मुंबई : २२ वेळा ग्रँडस्लॅम चॅम्पियन असलेल्या स्पेनच्या राफेल नदालने दुखापतीमुळे विम्बल्डन (Wimbledon 2022) मधून माघार घेतली असून तो उपांत्य फेरीला मुकणार आहे. नदाल हा सामना ऑस्ट्रेलियाच्या निक किर्गिओसविरुद्ध खेळणार होता आणि आता नदालच्या अनुपस्थितीमुळे निक किर्गिओस थेट अंतिम फेरीत पोहोचला आहे. नदालने पत्रकार परिषदेत सांगितले, की त्याच्या पोटाच्या स्नायूंना दुखापत झाली आहे, त्यामुळे विम्बल्डनमध्ये पुढे खेळणे त्याच्यासाठी कठीण आहे. या बातमीनंतर नदालचे चाहते खूपच निराश झाले आहेत.
नदालच्या म्हणण्यानुसार, गेल्या एका आठवड्यापासून त्याच्या पोटाच्या स्नायूंमध्ये ताण जाणवत होता, परंतु दोन दिवसांपूर्वी अमेरिकेच्या टेलर फ्रिट्झविरुद्धच्या उपांत्यपूर्व फेरीच्या सामन्यात त्याची दुखापत वाढली. नदालने फ्रिट्झविरुद्ध संघर्षपूर्ण उपांत्यपूर्व फेरीत विजय मिळवला होता, परंतु यादरम्यान तो अनेक वेळा दुखापतीमुळे अडचणीत सापडला होता.
The All England Lawn Tennis Club would like to extend our sympathies to @RafaelNadal #Wimbledon pic.twitter.com/EpLvyyQEKV
— Wimbledon (@Wimbledon) July 7, 2022
“मी हा निर्णय घेतला कारण मी सध्याच्या परिस्थितीत दोन सामने जिंकू शकत नाही. मी फक्त माझ्या सामान्य गतीने सर्व्हिस करू शकत नाही, तर मी माझी सामान्य हालचाल देखील करू शकत नाही. मला कोणाला दुखवायचे नाही”, असे नदालने सांगितले.
दोन वेळा विम्बल्डन चॅम्पियन ठरलेल्या नदालने या वर्षी त्याच्या सुरुवातीच्या दोन्ही ग्रँडस्लॅममध्ये ऑस्ट्रेलियन ओपन आणि फ्रेंच ओपन जिंकले होते आणि यावेळी जोकोविचसोबत तो विम्बल्डन पुरुष एकेरीचा प्रबळ दावेदार होता. नोव्हाक जोकोविचला ब्रिटनच्या कॅमेरून नॉरीविरुद्ध सेमीफायनल खेळायची आहे.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
