मुंबई : राज्यात कालपासून पावसाळी अधिवेशन सुरु आहे. आज सलग दुसऱ्या दिवशी विरोधकांनी विधानभवनाच्या पायऱ्यांवर सरकारविरोधात जोरदार घोषणाबाजी केली. तसेच अधिवेशनाच्या दुसऱ्या दिवशी विरोधी पक्षातील नेते चांगलेच आक्रमक झाले. त्यानंतर सभागृहात प्रश्न उत्तरं सुरु असताना राष्ट्रवादी काँग्रेसचे जेष्ठ नेते छगन भुजबळ यांनी अन्नधान्यावर लावण्यात आलेल्या जीएसटीचा मुद्दा उपस्थित केला. सरकारने कोण कोणत्या गोष्टींवर जीएसटी लावला आहे, याची यादीच त्यांनी वाचून दाखवली.
जीएसटी परिषदेने सुचविलेल्या दरवाढीला देशभरात विरोध होत आहे. ही तांत्रिक दरवाढ आहे असे उत्तर सरकारकडून दिले जात असले, तरी आता दरवाढ करणे टाळता आले असते. राज्यातील आणि देशातील जनतेला या महागाईला तोंड द्यायची वेळ आली नसती. छोट्या छोट्या गोष्टींवर जीएसटी लावणे हे अन्यायकारक असून किमान अन्नधान्य, शालेय साहित्य व हॉस्पिटल बिलावर तरी जीएसटी लावण्यात येऊ नये. भारतीय अर्थव्यवस्था मजबूत असेल तर टॅक्सेस वाढविण्याचे कारणच काय? सगळ्याच गोष्टींवर जीएसटी लावण्यात येत आहे. आता फक्त भाषणांवर जीएसटी लावायचा बाकी आहे. यापुढे त्यांनी महाराष्ट्रातील सर्वसामान्य जनतेच्या भावना आणि महागाईमुळे वाढलेल्या समस्या केंद्र सरकारपर्यंत पोहचवण्याची मागणी मुख्यमंत्री उपमुख्यमंत्र्यांकडे केली. असेही भुजबळ यावेळी म्हणाले.
महत्वाच्या बातम्या :
- Amol Mitkari | “घातपात झाला तर या सरकारला सोडणार नाही”; संशयास्पद बोटीवरून मिटकरींचा इशारा
- Assembly Session 2022 | ४० लोकांना खूप सांभाळावं लागणार आहे, पण वरचे १० असे तसेच आहेत – अजित पवार
- मोठी बातमी । दहीहंडीला मिळाला खेळाचा दर्जा! सरकारी नोकरीत आरक्षण; मुख्यमंत्र्याची घोषणा
- Breaking News | मुंबईनंतर आता पुण्यातही नाकाबंदीला सुरुवात; संशयास्पद बोटीमुळे राज्यभरात रेड अलर्ट
- Ajit Pawar | कधी आपल्याला पुन्हा एकत्र यावं लागेल सांगता येत नाही; अजित पवारांचा शिंदे गटाला टोला
बातम्यांसाठी YouTube चॅनेल Subscribe करा
Subscribe Now
