रायगड : महाराष्ट्रातील रायगड जिल्ह्यातील हरिहरेश्वर किनाऱ्यावरील समुद्रात एक संशयास्पद बोट सापडली आहे. या बोटीत तीन AK-47 आणि बंदुकीच्या गोळ्या आढळून आल्या आहेत. त्यामुळे नागरिकांमध्ये भीतीचं वातावरण निर्माण झालं आहे. आगामी काळात अनेक मोठे सण आणि उत्सवही आहेत. त्यामुळे याच्याच पार्श्वभूमीवर राज्यभरात रेड अलर्ट जारी करण्यात आला आहे. तर पुण्याचे पोलीस आयुक्त अभिताभ गुप्ता यांनी तातडीने अधिकाऱ्यांची बैठक बोलावून सतर्कतेच्या सूचना देत पुण्यात हाय अलर्ट जरी केला आहे. तसेच शहरात ठिकठिकाणी नाकाबंदी करण्यात येत आहे.
दुसरीकडे मुंबईमध्येही पोलिसांनी सुरक्षा वाढवली असून अनेक ठिकाणी नाकाबंदी करण्यात येत आहे. पोलिसांकडून वेस्टर्न एक्स्प्रेस हायवेवरून जाणाऱ्या प्रत्येक वाहनाची तपासणी केली जात आहे. तसेच मुंबईतील सर्व चौपाट्यांवरही पोलीस बंदोबस्त लावण्यात आला आहे. राज्यभरातील पोलीस यंत्रणा सतर्क झाल्या असून जवळपास सर्वच ठिकाणी सुरक्षा वाढवण्यात आली आहे. पुण्यातील महत्वाच्या आणि वर्दळीच्या भागांतील चौकात नाकाबंदी करण्यात आली आहे. तसेच रत्नागिरी येथील पोलीस अधीक्षकांनी सतर्कतेचे आदेश दिले असून रत्नागिरी जिल्ह्यात देखील अलर्ट जारी करण्यात आला आहे.
https://youtu.be/lgz7BR8IrHc
२४ तास पोलिसांची नजर
रायगडमध्ये सापडलेल्या संशयास्पद बोटीमुळे सागरी महामार्गावरील गस्त वाढवण्यात आली आहे. समुद्र किनाऱ्यांवर आणि तेथील लँडिंग पॉईंटवर पोलिसांची करडी नजर असणार आहे. या परिसरातील गाडयांची तपासणीही करण्यात येत आहे. तर आगामी काळात येऊ घातलेल्या सणांच्या पार्श्वभूमीवर प्रशासनाने पोलिसांना आणि इतर तपास यंत्रणांना सतर्कतेचे आदेश दिले आहेत. तसेच या बोटीचा तपास स्थानिक पोलीस आणि दहशतवाद विरोधी पथक करत आहे.
महत्वाच्या बातम्या:
- Ajit Pawar | कधी आपल्याला पुन्हा एकत्र यावं लागेल सांगता येत नाही; अजित पवारांचा शिंदे गटाला टोला
- Devendra Fadnavis | अफवांवर विश्वास ठेवू नका; देवेंद्र फडणवीसांनी दिले संशयास्पद बोटीचे तपशील
- Breaking News | संशयास्पद बोटीत AK-47 आणि गोळ्यांचे बॉक्स; चौकशीसाठी स्पेशल पथक नेमण्याची तटकरेंची मागणी
- Breaking News | हरिहरेश्वर किनाऱ्यावर संशयास्पद बोट; बोटीत AK-47 आणि गोळ्यांचे बॉक्स
- Nitish Kumar | “आमचे नाते खूप जुने…”: लालू यादव यांच्या भेटीनंतर नितीश कुमार यांचं वक्तव्य
बातम्यांसाठी YouTube चॅनेल Subscribe करा
Subscribe Now
