मुंबई: राणे कुटुंबीय सतत काही न काही वादावरून शिवसेनेवर टीका करत असते. आता पुन्हा एकदा भाजप नेते निलेश राणे यांनी सेनेवर निशाना साधला आहे. त्यांनी ट्वीटरवर एक व्हिडीओ शेअर करत ठाकरे सरकारवर टीका केली आहे.
नेदरलँड येथील डच प्रांतात एका आठवड्यात एक पूल बांधला जातो. तोच पूल जर मुंबईत बांधायला गेले तर महानगरपालिकेला हे काम करण्यासाठी किमान ७ ते ८ वर्षे लागतील त्यात ३/४ कॉन्ट्रॅक्टर बदलतील, १०० कोटीचे काम २००० कोटी पर्यंत जाणार, स्थानिक नगरसेवक काम मागतील वेळ जुळत नाही म्हणून उद्घाटनाला एक दीड वर्षलागतील, काय पाप केले मुंबई शहराने की त्यांना शिवसेना सारखा पक्ष मिळाला.असे ट्वीट करत निलेश राणे यांनी सेनेवर निशाना साधला आहे.
मुंबई महानगरपालिकेला हे काम करण्यासाठी किमान ७ ते ८ वर्षे लागतील त्यात ३/४ कॉन्ट्रॅक्टर बदलतील, १०० कोटीचा काम २००० कोटी पर्यंत होइल, स्थानिक नगरसेवक काम मागेल, वेळ जुळत नाही म्हणून उद्घाटनाला एक दीड वर्ष लागेल. काय पाप केले मुंबई शहराने की त्यांना शिवसेना सारखा पक्ष मिळाला. pic.twitter.com/vcktWvopZZ
— Nilesh N Rane (@meNeeleshNRane) September 2, 2021
दरम्यान केंद्रीय मंत्री नारायण राणे यांच्या अटक नाट्यानंतर भाजप-सेनेत प्रचंड शाब्दिक वार पहावयास मिळाले. त्यातच शिवसेना खासदार संजय राऊत यांच्या सुरक्षेत अधिक वाढ केली गेली आहे. राणे वादानंतर त्यांची सुरक्षा वाढवण्यात आल्याचे बोलले जात आहे. त्यातच आता निलेश राणे यांनी पुन्हा एकदा सेनेवर टीकास्त्र सोडले आहे.
महत्त्वाच्या बातम्या
- गायीला राष्ट्रीय प्राणी घोषित करा; न्यायालयाची सरकारला कायदा करण्याचा सूचना
- मराठा आरक्षण प्रश्नी खासदार संभाजीराजे छत्रपती घेणार आज राष्ट्रपतींची भेट
- ‘भास्कर जाधवच्या मुलाने मंदिरात अभिषेक केलेला चालतो, पण सामान्यांसाठी मंदिरे बंद’
- ‘तुमची बाहेर पडायला फाटते त्यात आमचा काय दोष’ ; उद्धव ठाकरेंना अप्रत्यक्ष टोला
- राम गोपाल वर्मांचा तो व्हिडिओ झाला व्हायरल ; म्हणे तो मी नव्हेच
