‘पेट्रोल पंपावर मोदींचा पोस्टर तोंडावर रुमाल बांधलेला दिसतो, तो काय दर्शवतो ?’

🕒 1 min read

नागपूर : सध्या दररोज इंधन दरवाढ होत आहे. इंधनाचे दर काही शहरांत शंभरी पार गेल्याचं दिसून येत आहे. गेल्या काही दिवसांपासून पेट्रोल व डिझेलचे भाव सातत्याने वाढत आहेत. यामुळे कोरोना काळात आर्थिक घडी विसकटलेल्या सामन्यांच्या खिशावर अधिकच ताण वाढत आहे. राजधानी दिल्लीत आज पेट्रोल ८८.९९ रुपये प्रति लिटर आहे. तर, मुंबईत पेट्रोल ९५.४६ रुपये प्रति लिटर आहे.

विरोधकांनी इंधन दरवाढीचं खापर केंद्र सरकारवर फोडल्याच दिसून येत आहे. पेट्रोलियम मंत्री धर्मेंद्र प्रधान यांनी यावर स्पष्टीकरण दिलं आहे. त्यांनी तेल उत्पादक देशांनी कृत्रिम स्वरुपात किंमती वाढवल्यामुळे इंधनवाढ होत असल्याचे म्हटले आहे. वाढत्या इंधन दरवाढीवर महाराष्ट्र काँग्रेसचे प्रदेशाध्यक्ष नाना पटोले यांनी देखील भाष्य करत पंतप्रधान नरेंद्र मोदी यांच्यावर खोचक टीका केली आहे.

‘हे घ्या सुरवात झाली “अच्छे दिन” च्या वचनाची…. जागतिक पातळीवर पेट्रोल – डिझेल चे दर कमी आहे परंतु सर्वसामान्य जनतेच्या खिशाला मोदी सरकार, भाजपा सरकार दररोज लुटत आहे… पेट्रोल पंपावर मोदी जी चा पोस्टर तोंडावर रुमाल बांधलेला दिसतो तो काय दर्शवतो ?’ असा टोला नाना पटोले यांनी लगावला आहे.

हे घ्या सुरवात झाली "अच्छे दिन" च्या वचनाची….

जागतिक पातळीवर पेट्रोल – डिझेल चे दर कमी आहे परंतु सर्वसामान्य जनतेच्या खिशाला मोदी सरकार, भाजपा सरकार दररोज लुटत आहे…

पेट्रोल पंपावर मोदी जी चा पोस्टर तोंडावर रुमाल बांधलेला दिसतो तो काय दर्शवतो?. pic.twitter.com/9V1f0B7j9j

— Nana Patole (@NANA_PATOLE) February 15, 2021

महत्वाच्या बातम्या 

• बीडमध्ये काका-पुतण्यांच्या राजकारणामुळे जनता वेठीस-विनायक मेटे
• पी.बी. सावंतांनी समाज प्रबोधन आणि सामाजिक चळवळीत मार्गदर्शकाची भूमिका बजावली- मुख्यमंत्री
• हिरकणीनंतर आता सोनाली कुलकर्णी झळकणार आणखी एका शौर्यगाथेत
• ‘सतत टीका करणे योग्य नाही’, चेन्नईच्या पिचला नावं ठेवणाऱ्यांना गावसकरांचं चोख उत्तर
• ‘अमित शहांना नेपाळ, श्रीलंकेतही आणायचेय भाजप सरकार’