सलग दुसऱ्या टी-२० सामन्यात विंडीजची कांगारुवर मात; ५६ धावांनी केले पराभूत

🕒 1 min read

मुंबई : वेस्ट इंडिजच्या दौऱ्यावर असलेल्या ऑस्ट्रेलिया संघाला सलग दुसऱ्या टी-२० सामन्यात पराभवाचे तोंड बघावे लागले. वेस्ट इंडिजने दिलेल्या १९७ धावांच्या लक्ष्याचा पाठालाग करताना ऑस्ट्रेलियाचा संपुर्ण डाव १४० धावांत अटोपला. या विजयासह वेस्ट इंडिजने पाच सामन्याच्या मालिकेत २-० अशी विजयी आघाडी घेतली आहे.

सलग दुसऱ्या सामन्यात नाणेफेक जिंकत ऑस्ट्रेलियाने प्रथम फलंदाजीसाठी वेस्ट इंडिजला पाचारण केले. वेस्ट इंडिजने पहिल्या डावात ४ गडी गमावत १९६ धावांची भक्कम धावसंख्या उभी केली. वेस्ट इंडिजकडु शिम्रॉन हेटमायरने ३६ चेंडुत २ चौकार आणि ४ षटकारासंह ६१ धावांची अर्धशतकी खेळी केली. तर ऑस्ट्रेलियाकडुन हेजलवुड, अगर आणि मार्षने प्रत्येकी १-१ गडी बाद केला.

Too good, and 2-0 up!@WindiesCricket bowl Australia out for 140 and win by 56 runs in Saint Lucia! #WIvAUS pic.twitter.com/tjgdNAtkEQ

— ICC (@ICC) July 11, 2021

प्रत्युत्तरात ऑस्ट्रेलियाचा केवळ १४० धावांपर्यंत मजल मारता आली. मागील सामन्यातील मिचेल मार्षने या सामन्यातही चांगली कामगिरी केली. त्याने ऑस्ट्रेलियाकडुन ४२ चेंडुत ५ चौकार आणि १ षटकारासंह ५४ धावांची अर्धशतकी खेळी केली. त्याच्याव्यतिरिक्त जोश फिलीप(१३) आणि मोईसेस हेनरिक्स(१९) वगळता इतर फलंदाज दुहेरी धावसंख्यादेखील ओलांडु शकले नाही. हेडन वॉल्शने वेस्ट इंडिजकडुन सर्वाधिक ३ गडी बाद केले. अर्धशतकासाठी शिम्रॉन हेटमायरला सामनावीराच्या पुरस्काराने सन्मानीत करण्यात आले.

महत्त्वाच्या बातम्या

• यूपी लोकसंख्या विधेयक : दोनहून अधिक अपत्ये असल्यास सरकारी नोकरी नाही
• जालना रोडवरील वाहतूक व्यवस्थेत १६ जुलैपर्यंत अंशतः बदल
• मुंडेंच्या नाराजीची केंद्रीय नेतृत्वाने घेतली दखल, पंकजा मुंडे तातडीने दिल्लीला रवाना
• बीसीसीआयकडून श्रीलंकेला ‘बॅक अप’ टीम तयार ठेवण्याची सूचना
• पैठणमध्ये कोरोनाचा प्रादुर्भाव वाढण्यास प्रशासनच जबाबदार?