‘गर्दी करून प्रचार सभा घ्यायच्या आणि महाराष्ट्राला घरात बसायचे धडे द्यायचे’

मुंबई : पंढरपूरचे राष्ट्रवादी काँग्रेसचे आमदार भारत भालके यांच्या निधनामुळे रिक्त झालेल्या जागेवर पंढरपूर-मंगळवेढा विधानसभा मतदारसंघाची पोटनिवडणूक जाहीर झाली आहे. या पोत्नीव्द्नुकीसाठी सर्वच राजकीय पक्षांकडून प्रचाराचा धडाका सुरु झाला आहे. काही दिवसांपूर्वी उपमुख्यमंत्री अजित पवार यांच्या उपस्थितीत तौबा गर्दी जमवत कल्याणराव काळे यांचा राष्ट्रवादीत प्रवेश झाला. पंढरपुरात अजित पवारांच्या सभेत तुफान गर्दी झाली होती. यामुळे कोरोना नियमांचा भंग झाला होता. याप्रकरणी आयोजक राष्ट्रवादी काँग्रेसचे प्रदेश सरचिटणीस श्रीकांत शिंदे यांच्यावर गुन्हा दाखल करण्यात आला आहे. कलम 188 नुसार पंढरपूर शहर पोलिसात हा गुन्हा दाखल करण्यात आला होता.

एका बाजूला महाराष्ट्र सरकारच्या ढिसाळ कारभारामुळे दिवसेंदिवस कोरोनाचे रुग्ण वाढत आहेत. राज्यातील अनेक ठिकाणी टाळेबंदी करण्यात आली असून संपूर्ण महाराष्ट्रात कडक निर्बंध लावून सर्वसामन्यांना नियमांचे पालन करायला राज्यकर्ते सांगत आहेत. दुसऱ्या बाजूला उपमुख्यमंत्रीच जर अशा पद्धतीने नियम मोडत असतील तर सर्वसामान्य नागरिकांनी पाहायचे कुणाकडे असा सवाल उपस्थित होत होता.

हे सर्व प्रकरण सुरु असतानाच आज अजित पवार यांनी लॉकडाऊनचे संकेत दिले होते. ‘लॉकडाऊन बाबत आता संपूर्ण महाराष्ट्रासाठी एकच निर्णय घेतला जाईल’ असे वक्तव्य त्यांनी आज केले होते.

अजित पवार निर्णय काही असो पण तुम्हाला बोलायचा अधिकार नाही. गर्दी करून प्रचार सभा घ्यायच्या तुम्ही आणि महाराष्ट्राला घरात बसायचे धडे तुम्हीच द्यायचे, हे नाटक बंद करा. राज्य सरकारने महाराष्ट्राला संकटात आणले, सरकार बरखास्त करून घरी बसा महाराष्ट्र आपोआप ठीक होईल. https://t.co/mR3RmPdzud

— Nilesh N Rane (@meNeeleshNRane) April 10, 2021

याच पार्श्वभूमीवर भाजपचे नेते निलेश राणे यांनी अजित पवारांना चांगलीच चपराक लगावली आहे. ‘अजित पवार निर्णय काही असो पण तुम्हाला बोलायचा अधिकार नाही. गर्दी करून प्रचार सभा घ्यायच्या तुम्ही आणि महाराष्ट्राला घरात बसायचे धडे तुम्हीच द्यायचे, हे नाटक बंद करा. राज्य सरकारने महाराष्ट्राला संकटात आणले, सरकार बरखास्त करून घरी बसा महाराष्ट्र आपोआप ठीक होईल.’ अशा आशयचे ट्वीट करून त्यांनी अजित पवारांना टोला लगावला आहे.

महत्त्वाच्या बातम्या

• …मग कोरोना लस मोदीजींच्या घरात तयार होते का?
• छगन भुजबळांच्या ‘त्या’ वक्तव्याचा प्रवीण दरेकरांनी केला निषेध
• रेल्वेस्थानकांवरील गर्दी कमी करण्यासाठी प्लॅटफॉर्म तिकीट दरात वाढ!
• मोठी बातमी : राज ठाकरे अॅडमिट असल्याने आजच्या सर्वपक्षीय बैठकीला गैरहजर
• नाभिक समाजाकडून ठाकरे सरकारच्या प्रतिकात्मक पुतळ्याचे दहन