‘वारकरी भक्तांना बसवुनी घरी, फोटोमध्ये झळकती मुख्यमंत्री’; भाजपचं टीकास्त्र

🕒 1 min read

मुंबई : टाळ मृदुंगात ग्यानबा तुकारामचा गजर करत व रंगीबेरंगी फुलांनी सजवलेल्या शिवशाही बस १० मानाच्या पालख्या घेवून निघाल्या आहेत. तर आळंदीहून निघालेली संत ज्ञानेश्वर महाराजांची पालखी काही वेळापूर्वीच वखारी येथे पोहचली आहे. संत मुक्ताई पालखी, संत निवृत्तीनाथ महाराज पालखी सोहळ्यानं पहाटेचं पंढरपूरकडे प्रस्थान केले आहे.

दरम्यान आषाढी एकादशी निमित्त पंढरपुरात विठ्ठल-रुक्मिणीची शासकीय पूजा करण्यात येत असती. पूजा करण्यासाठी, मुख्यमंत्री उद्धव ठाकरे आपल्या कुटुंबासह सोमवारीच पंढरपूरला रवाना झाले आहेत. विशेष म्हणजे ते स्वत: गाडी चालवित पंढरपुराकडे मार्गक्रमण करत आहेत. मंगळवारी पहाटे मुख्यमंत्री उद्धव ठाकरे कुटुंबासह विठ्ठल रुक्मिणीच्या शासकीय पूजेसाठी उपस्थित राहणार आहेत.

मुख्यमंत्री उद्धव ठाकरे हे सर्व जनतेचे प्रतिनिधी म्हणून जरी उद्या शासकीय पूजा करणार असले तरी लाखो वारकऱ्यांची वारी यंदा देखील चुकल्याने भाजपने मुख्यमंत्र्यांना लक्ष्य केलं आहे. भाजपचे मुख्य प्रवक्ते केशव उपाध्ये यांनी चारोळी लिहीत उद्धव ठाकरेंना खोचक टोला लगावलाय.

जनतेचे जिणे हराम
मुख्यमंत्र्यांचे घरातून काम

पावसाने मुंबईचा चक्का जाम
मुख्यमंत्र्यांचे घरातूनच काम

एमपीएससी विद्यार्थ्याचा जीवनाला रामराम
तरीही मुख्यमंत्र्यांचे घरातूनच काम

तुका म्हणे माझा
विठ्ठल झाकोळला…
वारकरी भक्तांना
बसवुनी घरी,
फोटोमध्ये झळकती
मुख्यमंत्री…

— Keshav Upadhye (@keshavupadhye) July 19, 2021

‘जनतेचे जिणे हराम, मुख्यमंत्र्यांचे घरातून काम! पावसाने मुंबईचा चक्का जाम, मुख्यमंत्र्यांचे घरातूनच काम! एमपीएससी विद्यार्थ्याचा जीवनाला रामराम, तरीही मुख्यमंत्र्यांचे घरातूनच काम! तुका म्हणे माझा विठ्ठल झाकोळला… वारकरी भक्तांना बसवुनी घरी, फोटोमध्ये झळकती मुख्यमंत्री…’ असं ट्विट केशव उपाध्ये यांनी केलं आहे.

महत्त्वाच्या बातम्या

• ‘ठाकरे सरकारमध्ये नेते कमी अन् बोलके पोपटच जास्त’, ओबीसी आरक्षणावरून फडणवीसांचा टोला
• ओबीसींना संघटित करून अधिक सक्षम करणे हेच आपले अंतिम ध्येय-देवेंद्र फडणवीस
• ‘देशमुखांचे वय झालेय, त्यांना आता लपाछपीचा खेळ झेपणार नाही’, अतुल भातखळरांचा टोला
• कोणीही विरोध केला तरी माझ्या मंत्रिपदाचा निर्णय मुख्यमंत्री ठाकरे हेच घेणार-संजय राठोड
• ‘पेगासस’साठी एवढा निधी आला कोठून? की त्यातही नवीन कांड आहे?; आव्हाडांचा सवाल