विराटचा मोठा निर्णय! आयपीएल 2021 नंतर सोडणार आरसीबीचेही कर्णधारपद

🕒 1 min read

नवी दिल्ली : रॉयल चॅलेंजर्स बंगळुरूचा कर्णधार विराट कोहली आयपीएल 2021 नंतर संघाच्या कर्णधारपदावरून पायउतार होणार आहे. विराट कोहलीने आरसीबीने जारी केलेल्या व्हिडिओद्वारे ही माहिती दिली. फ्रँचायझीनेही या वृत्ताला दुजोरा दिला आहे. विराट कोहलीचा कर्णधार म्हणून आरसीबीसाठी हा शेवटचा हंगाम असेल.

आरसीबीने जारी केलेल्या अधिकृत व्हिडिओमध्ये विराट कोहली म्हणाला, ‘कर्णधार म्हणून या संघासोबत हा माझा शेवटचा हंगाम असेल. पण आरसीबीचा खेळाडू राहीन. माझ्यावर विश्वास ठेवल्याबद्दल आणि मला पाठिंबा दिल्याबद्दल मी सर्व RCB चाहत्यांचे आभार मानतो. याआधी विराट कोहलीने भारतीय टी -20 चे कर्णधारपद सोडले होते. टी -20 विश्वचषकानंतर कोहली फक्त एकदिवसीय आणि कसोटी संघांचा कर्णधार राहणार आहे.

Virat Kohli to step down from RCB captaincy after #IPL2021

“This will be my last IPL as captain of RCB. I’ll continue to be an RCB player till I play my last IPL game. I thank all the RCB fans for believing in me and supporting me.”: Virat Kohli#PlayBold #WeAreChallengers pic.twitter.com/QSIdCT8QQM

— Royal Challengers Bengaluru (@RCBTweets) September 19, 2021

विराट कोहली पहिल्या सत्रापासून म्हणजेच 2008 पासून RCB शी संबंधित आहे, परंतु 2011 मध्ये त्याला कर्णधारपदाची जबाबदारी देण्यात आली. डॅडेनियल विटोरीच्या जागी त्याला संघाचा कर्णधार म्हणून नियुक्त करण्यात आले. कर्णधार म्हणून विराट कोहलीने 131 सामन्यांमध्ये आरसीबीचे नेतृत्व केले आहे, ज्यामध्ये त्याने संघाचे नेतृत्व 60 सामन्यांमध्ये केले आहे, तर संघाने 64 सामने गमावले आहेत. तीन सामने बरोबरीत होते तर चार सामन्यांचा निकाल कळू शकला नाही. विराटच्या नेतृत्वाखाली या संघाने एकदाही आयपीएलचे जेतेपद पटकावले नाही आणि त्याच्या कर्णधारपदाबद्दल वारंवार प्रश्न उपस्थित केले जात आहेत. त्यानंतर त्याने आरसीबीचे कर्णधारपद सोडण्याचा देखील निर्णय घेतला.

महत्त्वाच्या बातम्या

• मराठमोळ्या ऋतुराज गायकवाडची शानदार खेळी ; चेन्नईची मुंबईवर २० धावांनी मात
• पुणेकरांना बाप्पा पावला; गणेशोत्सवाच्या दहा दिवसांत कोरोनामध्ये वाढ नाही – मुरलीधर मोहोळ
• ‘ठाकरे सरकारच्या ठोकशाहीचा कळस; सोमय्या बोलायला लागल्यावर एवढी का भिती वाटते?’
• काँग्रेसचे धक्कातंत्र; चरणजीत सिंग चन्नी होणार पंजाबच्या मुख्यमंत्रीपदी विराजमान
• ‘लगे रहो किरीटजी, इनकी बजाते रहो’; नितेश राणे यांचे खोचक ट्विट