नवी दिल्ली : दक्षिण आफ्रिका दौऱ्यापूर्वीच्या पत्रकार परिषदेत विराट कोहलीने (Virat Kohli) अनेक खुलासे केले. या पत्रकार परिषदेत कोहलीने बरेच खुलासे केल्यानंतर क्रिकेट विश्वातून संमिश्र प्रतिक्रिया येत आहे. यातच दक्षिण आफ्रिकेचा क्रिकेटर तबरेझ शम्सीने देखील आपली प्रतिक्रिया दिली आहे.
विराट कोहली आणि बीसीसीआयचे अध्यक्ष सौरव गांगुली यांच्या स्वतंत्र वक्तव्यानंतर भारतीय क्रिकेटमध्ये भूकंप आला आहे. सोबतच क्रिकेट विश्वही या मुद्द्यावर दोन गटात विभागताना दिसत आहे. विराट कोहलीच्या या स्फोटक विधानावर अनेक जण टीका करत असतानाच दुसरीकडे दक्षिण आफ्रिकेचा क्रिकेटर तबरेझ शम्सीने या मुद्द्यावरून त्याचे कौतुक केले आहे.
दक्षिण आफ्रिकेचा फिरकी गोलंदाज तबरेझ शम्सी हा अशा खेळाडूंपैकी एक आहे जो कोहलीच्या दक्षिण आफ्रिकेला जाण्यापुर्वीच्या पत्रकार परिषदेने पूर्णपणे प्रभावित झाला आहे. कोहलीने सौरव गांगुलीने केलेले काही दावे स्पष्टपणे नाकारले. त्याच वेळी, सोशल मीडियावर असे लोक आहेत ज्यांनी बीसीसीआय अध्यक्षांना पाठिंबा देऊन ‘सुरक्षित मार्ग’ न स्वीकारल्याबद्दल विराट कोहलीचे कौतुक केले आहे. शम्सी देखील त्यापैकीच एक आहे.
विराट कोहली आणि बीसीसीआयसोबतच्या ‘कोल्ड वॉर’बद्दल सोशल मीडियावर चर्चा सुरू आहे. अशा परिस्थितीत, तबरेझ शम्सीने एका चाहत्याने केलेल्या ट्विटचा हवाला दिला, ज्यामध्ये लिहिले होते. ‘विराटसाठी अधिक सुरक्षित पर्याय गांगुलीच्या वक्त्यव्याशी सहमत होणे हा होता. साहजिकच विराट मैदानावर आणि मैदानाबाहेर तसा माणूस नाही. या ट्विटवर टिप्पणी करताना तबरेज शम्सीने लिहिले, ‘म्हणूनच तो तेवढा चागला आहे. जेवढा तो आहे.’
महत्वाच्या बातम्या
- कोरोनाच्या दुसऱ्या लाटेत ऑक्सिजन अभावी युपीत एकही मृत्यू नाही; योगी सरकारचा दावा
- ‘थकबाकीचा डोंगर वाढतोय, राज्याच्या हक्काचे पैसे मिळायलाच पाहिजे’, शिवसेनेचा केंद्राला इशारा
- बाहेरच्या बाहेर खंडणीचा निधी मिळत असेल तर सरकारी निधीची गरज काय?
- महाविकास आघाडी सरकारमध्ये राष्ट्रवादीच्या खात्यांना सर्वाधिक निधी
- केंद्रातील भाजपा व संघांचा आरक्षण संपवण्याचा डाव-नवाब मलिक
बातम्यांसाठी YouTube चॅनेल Subscribe करा
Subscribe Now
