महाविकास आघाडी सरकारमध्ये राष्ट्रवादीच्या खात्यांना सर्वाधिक निधी

मुंबई: महाविकास आघाडी सरकारमध्ये जनकल्याणासाठी सर्वाधिक खर्च राष्ट्रवादी पक्षाने केला या पक्षाकडे असलेल्या ११ खात्यांना २०२०-२०२१ या आर्थिक वर्षात २ लाख ५० हजार ३८८ कोटींचा निधी देण्यात आला आहे. त्यामुळे राष्ट्रवादीच्या खात्यांना सर्वाधिक निधी मिळाला असल्याची माहिती समोर आली आहे.

दरम्यान मुख्यमंत्रिपद आणि सर्वाधिक आमदारसंख्या असलेल्या शिवसेनेने या रकमेच्या एकचतुर्थांश म्हणजेच केवळ ५४ हजार ३४३ कोटींची रक्कम खात्यांवर खर्च केली आहे. अर्थखाते सांभाळणाऱ्या उपमुख्यमंत्री अजित पवार यांनी ६६ हजार २८९ कोटींची कामे शिवसेनेच्या अखत्यारीतील खात्यांसाठी मंजूर केली होती. तर सर्वांत कमी संख्याबळ असलेल्या काँग्रेसनेही १ लाख २१ हजार १४ कोटींचे अनुदान मंजूर करून घेतले असून त्यातील १ लाख १ हजार ७६८ कोटींचा निधी खर्च केला आहे.

दरम्यान राष्ट्रवादी काँग्रेसने खर्चात घेतलेली आघाडी सातत्याने कायम ठेवली आहे. कोरोना काळात राष्ट्रवादी काँग्रेसकडे असलेल्या आरोग्य खात्याला अधिक रक्कम मिळाली आहे. त्यामुळे सर्वाधिक निधी राष्ट्रवादी पक्षाला मिळाला आहे. मात्र यावरूनही भाजपकडून निधीवरून महाविकास आघाडी सरकारवर टीका केली जात आहे.

महत्वाच्या बातम्या

• कोरोनाच्या दुसऱ्या लाटेत ऑक्सिजन अभावी युपीत एकही मृत्यू नाही; योगी सरकारचा दावा
• ‘थकबाकीचा डोंगर वाढतोय, राज्याच्या हक्काचे पैसे मिळायलाच पाहिजे’, शिवसेनेचा केंद्राला इशारा
• बाहेरच्या बाहेर खंडणीचा निधी मिळत असेल तर सरकारी निधीची गरज काय?
• ‘आम्ही भरवलेल्या शर्यतीला मिळालेल्या प्रतिसादानंतर सरकारचे डोळे उघडले’
• बोगराची लढाई ही १९७१ च्या युद्धाचा सर्वाधिक रक्तरंजित अध्याय- चंद्रकांत पाटील