🕒 1 min read
सोलापूर : इंधन दरवाढ व वाढत्या महागाई विरोधात काँग्रेस पक्षाकडून राज्यभर निषेध केला जात आहे. सोलापुरात महिला काँग्रेसच्या वतीने वाढत्या महागाई वर संताप व्यक्त करण्यात आला. आणि चक्क पंतप्रधानांना शेणाच्या गोवऱ्या पार्सल पाठवण्यात आल्या. दरम्यान, आंदोलनात कोरोना नियमांचे उल्लंघन केल्याप्रकरणी आमदार प्रणिती शिंदेसह एनएसयुएच्या कार्यकर्त्यांवर सोलापुरात गुन्हा दाखल करण्यात आला आहे.
सोलापूर शहरातील सुपर पेट्रोल पंपावर हे आंदोलन दि. १६ रोजी करण्यात आले होते. इंधन दरवाढी विरोधात काँग्रेस पक्षाकडून राज्यभर केंद्र सरकारचा निषेध केला जात आहे. काल सोलापुरात महिला काँग्रेसच्या वतीने शहरातील सुपर पेट्रोल पंपावर आ. प्रणिती शिंदे याच्या नेतृत्वात हे आंदोलन करण्यात आले होते. यावेळी त्यांनी पंतप्रधान नरेंद्र मोदी हे मीडिया समोर यायला घाबरतात अशी टीकाही आ.शिंदे यांनी केली होती.
या आंदोलनात कोरोना नियमांचे उल्लंघन केल्याप्रकरणी शहरातील सदर बाजार पोलीस ठाण्यात भादंवि कलम १४३, १८६,१८८,२६९,३३६ अंतर्गत आ.शिंदे व एनएसयुआय कार्यकर्त्यांवर गुन्हा दाखल करण्यात आला आहे.
महत्त्वाच्या बातम्या
- इंधन दरवाढीविरोधात जालन्यात काँग्रेसचा सायकल, बैलगाडी मोर्चा
- पंढरपुरात संचारबंदी! चारशे वारकऱ्यांसाठी तीन हजार पोलीस तैनात
- शरद पवार आणि नरेंद्र मोदींच्या भेटीचे राजकीय फलित काय?
- पुणे-नाशिक महामार्ग बाह्यवळण रस्ता तयार, नितीन गडकरींनी दिली माहिती
- ‘मूठभर उद्योजकांची सौरऊर्जा प्रकल्पावर मक्तेदारी’, आव्हाडांचा मोदी सरकारवर निशाणा
