भारतीय माजी खेळाडू विनोद कांबळीला अपघात प्रकरणात अटक

🕒 1 min read

मुंबई: भारताचा माजी क्रिकेटपटू विनोद कांबळी याला रविवारी दुपारी मुंबईतील वांद्रे येथील निवासी सोसायटीच्या गेटवर कार घुसवल्याप्रकरणी अटक करण्यात आली आहे. पोलिसांनी दिलेल्या माहितीनुसार कांबळीने घटनेनंतर कॉम्प्लेक्सच्या चौकीदार आणि काही रहिवाशांशी वाद घातला होता, त्यांना नंतर जामिनावर सोडण्यात आले आहे.

रहिवाशाशी वाद घातल्या प्रकरणी आणि गेटवर गाडी आदळण्याप्रकरणी कांबळी यांच्यावर भारतीय दंड संहिता (आयपीसी) कलम २७९ (रॅश ड्रायव्हिंग), ३३६ (इतरांचा जीव धोक्यात घालणे किंवा वैयक्तिक सुरक्षितता) आणि ४२७ (दुर्घटनामुळे नुकसान करणे) अंतर्गत गुन्हा दाखल करण्यात आला आहे, अशी माहिती वांद्रे पोलीस स्टेशनच्या अधिकाऱ्याने दिली आहे. विशेष म्हणजे गेल्या वर्षी डिसेंबरमध्ये कांबळी (vinod kambli) सायबर फ्रॉडचा बळी ठरला होता. एका फसवणूककर्त्याने फोनवर एका खाजगी बँकेच्या एक्झिक्युटिव्हची तोतयागिरी केली आणि आपले नो युअर कस्टमर (केवायसी) तपशील अपडेट करण्याच्या बहाण्याने त्याच्या खात्यातून १. १४ लाख रुपये काढले. कांबळीने वांद्रे पोलिसात जाऊन तक्रार नोंदवल्यानंतर ही घटना ३ डिसेंबर रोजी उघडकीस आली.

सचिन तेंडुलकरसोबत (sachin tendulkar) खेळाची कला शिकून मोठा झालेला एक हुशार क्रिकेटपटू, कांबळी त्याच्या वागणुकीमुळे अनेकदा वादात अडकला आहे. विनोद कांबळी सोशल मीडियावर सक्रिय आहे, त्याने इंडियन प्रीमियर लीगमध्ये काम करण्याची इच्छा देखील व्यक्त केली होती.

महत्वाच्या बातम्या 

• “राज्यपालांनी आपले वक्तव्य त्वरित मागे घ्यावे”, उदयनराजेंचा इशारा
• “आपला अजेंडा रेटण्यासाठी खोटा इतिहास सांगून छत्रपतींचा अपमान केला जात असेल तर…”, रोहित पवारांचा इशारा
• राज्यपालांच्या वादग्रस्त विधानावर रुपाली चाकणकरांची प्रतिक्रिया; म्हणाल्या…
• कुलदीप आणि सिराजने केली अंपायरची नक्कल ; व्हिडीओ होतोय व्हायरल
• छत्रपती शिवाजी महाराज आणि रामदास यांची भेट झाल्याचा कोणताही पुरावा नाही- सुप्रिया सुळे