मुंबई : राज्यपाल नामनिर्देशित १२ जागांसाठी शिवसेनेतर्फे 4 उमेदवारांची यादी पाठवण्यात आली आहे. .महाविकास आघाडीत सध्या तीन पक्ष आहेत.म्हणून प्रत्येकी चार – चार जागा वाट्याला आल्या आहेत.या पार्श्वभूमीवर अभिनेत्री उर्मिला मातोंडकर आता उद्या शिवसेनेत प्रवेश करणार असल्याची चर्चा आहे.
काही दिवसांपूर्वी उर्मिला मातोंडकर यांनी कॉंग्रेस कडून लोकसभा निवडणूक लढवली होती मात्र या निवडणुकीत त्यांचा पराभव झाला. यानंतर त्यांनी काही कारणास्तव कॉंग्रेसला राम-राम ठोकला. आता शिवसेनेतर्फे उर्मिला मातोंडकर, चंद्रकांत रघुवंशी,नितीन बानगुडे – पाटील आणि विजय अप्पा करंजकर ही चार नावे पाठवली असल्याची खात्रीलायक बातमी दिली आहे. मुख्यमंत्री उद्धव ठाकरे यांनी फोन करुन उर्मिला मातोंडकर यांना विधानपरिषदेची उमेदवारी दिल्याचं बोललं जात आहे.
अनेक निष्ठावंत पक्षात असताना सर्वांना बाजूला सारत उर्मिलाचे नाव पुढे आल्याने काही प्रमाणात नाराजी वाढल्याची देखील चर्चा आहे. उर्मिला मातोंडकर आणि चंद्रकांत रघुवंशी हे कॉंग्रेस पक्षातून आयात केलेले उमेदवार आहेत.नितीन बानगुडे – पाटील आणि विजय अप्पा करंजकर हेच सेनेचे निष्टावंत आहेत.पण इतर नावांची देखील चर्चा असतांना हीच नावे का? असा प्रश्नही सध्या विचारण्यात येतोय.
दरम्यान,काही दिवसांपूर्वी बोलताना शिवसेना खासदार संजय राऊत यांनी उर्मिला मातोंडकर यांना उमेदवारी देण्याचं कारण सांगितलं होते.संजय राऊत म्हणाले, उर्मिता मातोंडकरांसारखी सडेतोड बोलणारी, देशाची आणि महाराष्ट्राची जाण असलेली, सामाजिक बांधिलकी जपणारी व्यक्ती जर विधान परिषदेत असेल तर ते महाराष्ट्रासाठी फायद्याचं होईल असं मत त्यांनी व्यक्त केलं. राज्यपाल हे सुज्ञ आहेत. आमचं त्यांच्यावर आणि त्यांचं आमच्यावरचं प्रेम जगाला माहित आहे. त्यामुळे कुठलाही वाद निर्माण होणार नाही याची काळजी घेतील असा टोलाही त्यांनी लगावला.
महत्वाच्या बातम्या
- अभिमानास्पद : ऑस्ट्रेलियात फडकला छत्रपती शिवरायांचा भगवा !
- अदानी कोळसा खाणीला कर्ज दिल्यास…अमुंडीने दिला एसबीआय गुंतवणूक काढून घेण्याचा इशारा !
- ईडीच्या ‘त्या’ नोटीशीचं व साताऱ्यातील पावसाचं रुपांतर सत्तेत झालं : सुप्रिया सुळे
- ‘पहिल्या मुलाच्या जन्मानंतर पुन्हा शूटिंगला सुरूवात करणार’
- शहरी वाहतूक व्यवस्थेत सायकलिंगचा समावेश करा; वेंकैया नायडू यांचे आवाहन
