यूपीएससी परीक्षेचा निकाल जाहीर; शुभम कुमार देशात अव्वल

नवी दिल्ली : काही वेळापूर्वी भारतीय लोकसेवा आयोगाने नागरी सेवा (यूपीएससी) परीक्षा 2020 चा निकाल जाहीर केला आहे. एकूण 761 उमेदवारांना या निकालामधून नियुक्ती देण्यात आली आहे. या परीक्षेमध्ये शुभम कुमार या परीक्षेत अव्वल आला आहे. यूपीएससीच्या निकालानुसार, नागरी सेवा परीक्षेत जागृती अवस्थी आणि अंकिता जैन यांनी अनुक्रमे दुसरा आणि तिसरा क्रमांक मिळवला आहे.

नागरी सेवा परीक्षा 2020 मध्ये 761 उमेदवार उत्तीर्ण झाले असून त्यापैकी 545 पुरुष आणि 216 महिला आहेत. आयएएस अधिकारी आणि 2015 बॅचची टॉपर टीना डाबी यांची बहीण रिया डाबी यांनीही यूपीएससी परीक्षा उत्तीर्ण केली आहे. रिया डाबीने 15 वी रँक मिळवली आहे. केंद्रीय लोकसेवा आयोगतर्फे वेगवेगळ्या रिक्त पदांसाठी ही परीक्षा घेण्यात आली होती.

निकालानुसार, टॉप 25 उमेदवारांमध्ये 13 मुले आणि 12 मुलींचा समावेश आहे. शिफारस केलेल्या उमेदवारांमध्ये 25 व्यक्ती अपंगत्व असलेल्या (07 ऑर्थोपेडिकली अपंग, 04 दृष्टिहीन आव्हान, 10 श्रवणदोष आणि 04 अनेक अपंग) यांचा समावेश आहे. महाराष्ट्रातून विनायक कारभारी याला ३७ वा रँक मिळाला आहे.आयोगातर्फे 180 आयएएस, 36 आयएफस, 200 आयपीएस, सेंट्रल सर्व्हिस ग्रप ए 302, ग्रुप बी सर्व्हिस 118 अशा रिक्त जागा भरल्या जाणार आहेत. एकूण 836 नुयक्त्या केल्या जाणार आहेत.

महत्वाच्या बातम्या

• सोमय्यांबाबत पहिल्या दिवशी जे घडलं ते चुकीचं; खुद्द अजित पवार यांनी दिली कबुली
• पुणे आणि पिंपरी-चिंचवडच्या निर्बंधांमध्ये अधिक शिथिलता ? अजित पवारांनी दिली महत्वाची माहिती
• सोयाबीनची किंमत मातीमोल, याला मोदीच जबादार; नाना पटोलेंचे टीकास्त्र
• ‘…तर राजकारणात अपमानाला स्थान आहे का?’ अमरिंदर सिंगचा थेट काँग्रेस हायकमांडला सवाल
• रावणालाही लाज वाटेल असे मंत्री उद्धव ठाकरेंच्या मंत्रिमंडळात बसलेत – भातखळकर