इंधन दरवाढीचा अनोखा निषेध, वकिल महिला घोड्यावर बसून न्यायालयात दाखल

बीड : केंद्र सरकारने इंधनाच्या तसेच घरगुती सिलिंडरच्या दरात प्रचंड दरवाढ केली आहे. या दरवाढीच्या निषेधार्थ राष्ट्रवादी महिला काँग्रेसच्या राज्याचे उपाध्यक्ष अॅड.हेमा पिंपळे यांनी अनोखे आंदोलन केले. घोड्यावर बसून त्या न्यायालयात आल्या. दरवाढीमुळे वाहन चालवणे परवडत नसल्याची टीका त्यांनी केली. यावेळी पिंपळे यांनी केंद्र सरकारविरोधात घोषणाबाजी केली. त्यांच्या या अनोख्या आंदोलनाने सगळ्यांचे लक्ष वेधून घेतले होते.

राज्यात तसेच देशात पेट्रोल आणि डिझेलचे भाव गगनाला भिडले आहेत. अनेक शहरांत पेट्रोलने शंभरी पार केल्यामुळे सामान्य नागरिकांचे कंबरडे मोडले आहे. कित्येकांना स्व:तच्या खासगी वाहनाने प्रवास करणे जिकरीचे झाले आहे. मागील काही दिवसांपासून गॅस सिलिंडरचे भावही दिवसेंदिवस वाढत आहेत. फक्त फेब्रुवारीमध्ये तीन वेळा गॅसचे भाव वाढल्यामुळे गृहिणी त्रस्त आहेत.

परिणामी नागरिकांकडून केंद्र सरकारविरोधात रोष व्यक्त केला जातोय. त्यामुळे आज राष्ट्रवादी काँग्रेस पक्षाच्या हेमा पिंपळे यांनी दरवाढीच्या निषेधार्थ आगळेवेगळे आंदोलन केले. छत्रपती शिवाजी महाराज यांच्या पुतळ्यापासून त्या न्यायालयात घोड्यावर बसून आल्या. या आगळ्या वेगळ्या आंदोलनामुळे त्यांनी सर्वांचेच लक्ष वेधून घेतले होते. हेमा पिंपळे या बीड जिल्हा न्यायालयात वकील आहेत. महिला अत्याचार, इतर सामाजिक मुद्द्यांबाबत त्या नेहमीच अग्रेसर असतात.

महत्वाच्या बातम्या 

• विरोधीपक्षनेता असावा तर असा! नागपूरच्या पठ्ठ्याने अर्थसंकल्पीय अधिवेशन एकहाती गाजवलं
• महानिर्मितीने रचला इतिहास, ६० वर्षातील सर्वाधिक वीज निर्मिती
• फडणवीसांचा आक्रमक पवित्रा; अशोक चव्हाणांना नोटीस तर देशमुखांवर हक्कभंग
• हिंदू धर्माबाबत आक्षेपार्ह वक्तव्या प्रकरणी शर्जिलला कोर्टाचा दिलासा
• मलकापूरमध्ये ७ क्विंटल गांजा पकडला, एक कोटींचा मुद्देमाल जप्त