नवी दिल्ली : बॉलिवूड अभिनेता अक्षय कुमार त्याचा आगामी ‘पृथ्वीराज’ या चित्रपटामुळे चांगलाच चर्चेत आहे. माहितीनुसार, हा चित्रपट पुढच्या महिन्यात थिएटरमध्ये प्रदर्शित होईल. नुकतीच या चित्रपटाबाबत एक महत्वाची बातमी समोर येत आहे. केंद्रीय गृहमंत्री अमित शाह हे अक्षय कुमारचा आगामी चित्रपट ‘पृथ्वीराज’ पाहणार आहेत. केंद्रीय मंत्री १ जून रोजी हा चित्रपट पाहतील, अशी माहिती चित्रपटाचे दिग्दर्शक चंद्रप्रकाश द्विवेदी यांनी मंगळवारी दिली.
चंद्रप्रकाश यांनी सांगितले कि, “गृहमंत्री हा चित्रपट प्रदर्शित होण्याच्या दोन दिवस आधी पाहतील. देशासाठी बलिदान देणारे भारतमातेचे शूर सुपुत्र पृथ्वीराज चौहान यांच्या जीवनावर आधारित हा चित्रपट आहे. या चित्रपटाचे साक्षीदार गृहमंत्री अमित शाह होणार आहेत, ही आमच्यासाठी सन्मानाची बाब आहे”.
या चित्रपटामध्ये बॉलिवूड स्टार ‘अक्षय कुमार’ सम्राट पृथ्वीराजच्या भूमिकेत दिसणार आहे. त्याचबरोबर मानुषी छिल्लर ही देखील संयोगिताच्या भूमिकेत दिसणार आहे. याशिवाय संजय दत्त, सोनू सूद, साक्षी तन्वर हे कलाकारही या चित्रपटात दिसणार आहेत. हा चित्रपट ३ जूनला हिंदी, तामिळ आणि तेलगू भाषेत प्रदर्शित होणार आहे.
महत्वाच्या बातम्या :
