टीम महाराष्ट्र देशा : विधानसभा निवडणुकीच्या तोंडावर शनिवारी साताऱ्याचे राष्ट्रवादी कॉंग्रेसचे नेते उदयनराजे भोसले यांनी भाजपमध्ये प्रवेश केला आहे. याच पार्श्वभूमीवर ‘सामना’मधून भाजपचे नेते उदयनराजे भोसले यांना शिवसेनेनी भाजपमध्ये आल्यावर स्टाईल मारता येणार नाही असं म्हटले होते.
शिवसेनेच्या या विधानावरून उदयनराजेंनी शिवसेनेला प्रत्युत्तर दिले आहे. त्यांनी मी बेशिस्त नव्हतोच. कुणाचाही स्वभाव एकसारखा नसतो. लोकशाही असल्यानं प्रत्येकाला बोलण्याचा आणि आपापली मतं मांडण्याचा अधिकार आहे असं विधान केले आहे. त्यामुळे शिवसेनेनी केलेल्या टीकेला उदयन राजेंनी फारसे गांभीर्याने घेतलेले नाही असं दिसत आहे.
तसेच पुढे बोलताना कॉलर उडवणं हा बेशिस्तपणा आहे का? मग आतापर्यंत भ्रष्टाचाऱ्यांवर कारवाई झाली नाही ही शिस्त म्हणावी का? असा प्रतिप्रश्न त्यांनी शिवसेनेला केला. प्रत्येकाची स्टाइल ही स्टाइल असते. मी जनतेशी बांधिल आहे आणि शेवटपर्यंत राहील असंही उदयनराजेंनी म्हटले आहे.
दरम्यान, देवेंद्र फडणवीस यांनी ‘सामना मध्ये लिहलेला अग्रलेख हा शुद्ध मराठीत लिहंलेला आहे. त्यामध्ये कुठेही उदयनराजेंचा अपमान करण्यात आलेला नाही. उदयनराजे हे आपला माणूस आहे. त्यामुळे आपल्या माणसाकडून काही अपेक्षा ठेवण्यात गैर काय? असं विधान केले आहे.
- ‘कुणाच्या जाण्याने फरक पडत नाही पुन्हा एकदा मावळ्यांना सोबत घेऊन महाराष्ट्र घडवूया’
- ९० टक्के मतदान झाले तर आघाडीचे सरकार आल्याशिवाय राहणार नाही : मिटकरी
- ‘फक्त अभिजीत बिचकुलेचं नाव घेऊ नका, मला अटक होईल’
- ‘मला नांव कमविण्यापेक्षा सामान्य माणसाचा आशीर्वाद कमवायचायं’
बातम्यांसाठी YouTube चॅनेल Subscribe करा
Subscribe Now
