‘उद्धव ठाकरेंना कॉपी करूनही उत्तर देता येणार नाही’; चंद्रकांत पाटलांची मिश्किल टीका

कोल्हापूर : राज्यात मागील वर्षी ऐनवेळी राजकीय गणित बदलल्यामुळे झालेलं सत्तांतर पाहायला मिळालं. भाजप-शिवसेनेच्या महायुतीला २०१९ निवडणुकांमध्ये बहुमत मिळालं. मात्र, काही मतभेदांमुळे शिवसेनेनं भाजपची साथ सोडली आणि विरोधी विचारधारा असलेल्या राष्ट्रवादी काँग्रेस आणि काँग्रेससोबत जाऊन महाविकास आघाडी सरकारची स्थापना केली.

या सरकारवर गेल्या वर्षभरात भाजप नेत्यांनी जोरदार टीकास्त्र सुरु ठेवलं असून हे सरकार एकमेकांच्या पायात पाय अडकून पडेल असं भाकीत वर्तवलं जात आहे. या सरकारची आता वर्षपूर्ती होत असतानाच शिक्षक व पदवीधर आमदार निवडणुकांमुळे आरोप-प्रत्यारोप चांगलेच रंगले आहेत. या निवडणुकांमध्ये विजय मिळवण्यासाठी महाविकास आघाडी विरुद्ध भाजपने जोरदार मोर्चे बांधणी केल्याचं दिसून येत आहे.

भाजप प्रदेशाध्यक्ष चंद्रकांत पाटील यांनी आज पत्रकार परिषद घेत महाविकास आघाडीसह मुख्यमंत्री उद्धव ठाकरे यांच्यावर घणाघाती टीका केली आहे. प्रशासन चालवणं हा वेगळा विषय आहे. उद्धव ठाकरे यांनी उभं आयुष्य पक्ष चालवण्यात घालवलं. त्यांचा प्रशासनाशी काय संबंध? उद्धव ठाकरे हे प्रशासनासाठी जन्मले नाहीत. ते पक्ष चालवण्यासाठीच जन्मले आहेत. त्यांना प्रशासनाशी संबंधित शंभर प्रश्न विचारले तर कॉपी करूनही उत्तरं देता येणार नाही, असा टोला त्यांनी उद्धव ठाकरेंना लगावला आहे.

महत्वाच्या बातम्या 

• संजय राऊत पुन्हा एकदा घेणार उद्धव ठाकरेंची मुलाखत; विषयावरून वाढली उत्सुकता
• सदाभाऊंनी आमदारकीसाठी ‘ही’ १२ नावं घेऊन राज्यपालांची घेतली भेट; आमटे, झहीर खानसह दिग्गजांची नावं
• ‘गेल्या वर्षभरात महाविकास आघाडी सरकारने जुन्या योजनांना केवळ स्थगिती देण्याचं काम केले’
• ‘सरनाईक कोरोनाला घाबरतायत की ईडीला?’
• भाजपच्या जाचाला, त्रासाला कंटाळून प्रवेश केलेल्या गायकवाड यांचे पक्षात स्वागत- जयंत पाटील