बीड : श्री क्षेत्र वैद्यनाथ मंदिरामुळे परळी शहराची जागतिक पटलावर ओळख आहे. दिवंगत नेते गोपीनाथ मुंडे यांनी परळीचा कायापालट केला. आता मंत्री धनजंय मुंडे आणि भाजप नेत्या पंकजा मुंडे यांच्या राजकारणामुळे परळीचे नाव नेहमी चर्चेत येत आहे. मात्र, परळी शहरात एक अजब प्रकार समोर आला आहे. जेणेकरून परळीची आणखीन एक नवीन ओळख तयार होऊ शकते.
वैद्यनाथ मंदिर परिसरात भीक मागणाऱ्या एका भिकाऱ्याचे १ लाख ७२ हजारांची चोरी गेलेली रक्कम परळी पोलिसांनी अवघ्या काही तासात मिळवून दिली आहे. बाबुराव नाईकवाडे असे त्या भिक्षुकाचे नाव आहे. ते मागील अनेक वर्षांपासून वैद्यनाथ मंदिर परिसरात भीक मागून आपला उदरनिर्वाह करत आहेत. पण, कोरोना मुळे मंदिर बंद असल्याने अनेक भिकाऱ्यांवर उपासमारीची वेळ आली आहे.
यात आयुष्यभर पै पै जमा केलेली नाईकवाडे यांची रक्कम चोरट्याने लंपास केली. त्यामुळे नाईकवाडे चिंताग्रस्त झाले. बाबुराव नाईकवाडे यांनी हवालदिल होऊन परळी पोलिसांकडे मदत मागितली.
पोलिसांनी तातडीने पावलं उचलत तपास केला. त्यानंतर नाईकवाडे यांची चोरीला गेलेली जवळपास पावणे दोन लाख रुपयांची रक्कम अवघ्या काही तासातच त्यांना मिळवून दिली. त्यामुळे पोलिसांच्या तपास कार्याचं कौतुक होत आहे.
एकीकडे कोरोनाचं संकट असल्यानं अनेकांच्या नोकऱ्या गेल्यात या परिस्थितीत एका भिकाऱ्याकडे मात्र मोठी रक्कम मिळून आल्यानं आश्चर्य व्यक्त केलं जात आहे. दरम्यान, हा प्रकार बीड जिल्ह्यात चर्चेचा विषय ठरला आहे. भिकाऱ्याकडे एवढी मोठी रक्कम असल्याने सोशल मीडियावर विविध चर्चांना उधाण आले आहे.
भिकाऱ्याची घरी चोरी होणे हा प्रकार दुर्मिळच म्हणावा लागेल. कारण चोरटे नेहमी धनदांडग्यांवर लक्ष केंद्रित करतात. पण लॉकडाऊन आणि कोरोनामुळे चोरट्यांचेही बेहाल झालेले दिसत आहेत. त्यामुळेच चोरट्यांनी आपला मोर्चा भिकाऱ्यांकडे वळवल्याचे समोर येतेय.
महत्वाच्या बातम्या
- ‘कितीही कारवाई करा, १ जूननंतर आम्ही दुकानं उघडणारच’, खा.जलील यांचा ठाकरे सरकारला इशारा
- ‘गंगेत प्रेतांचा खच हा राम मंदिराइतकाच महत्त्वाचा मुद्दा’
- धनगर आरक्षणाचा प्रश्नही पेटणार! ३१ मे रोजी ‘जागर’ करण्याचे गोपीचंद पडळकरांचे आवाहन
- ‘..तेव्हा आम्ही संपूर्ण राजभवनला पेढे वाटू’, संजय राऊतांची मार्मिक प्रतिक्रिया
- ‘मृत्यू प्रमाणपत्रावर ‘कोरोना’ का लिहीत नाही?’, सुप्रीम कोर्टाचा केंद्राला सवाल
बातम्यांसाठी YouTube चॅनेल Subscribe करा
Subscribe Now
