दौलताबाद अपघात प्रकरणी दोन दिवसानंतर कारचालकाविरूध्द गुन्हा दाखल

औरंंगाबाद : भरधाव जाणाऱ्या फोरच्र्युनर कारने दिलेल्या धडकेत कारमधील तीन जण ठार झाले तर दोन जण गंभीर जखमी झाल्याची घटना २४ एप्रिल रोजी रात्री रात्री साडेअकराच्या सुमारास दौलताबाद गावाजवळ घडली होती. या अपघात प्रकरणी दोन दिवसानंतर कारचालकाविरूध्द दौलताबाद पोलिस ठाण्यात गुन्हा दाखल करण्यात आला आहे.

औरंगाबाद येथून खुलताबाद जाणाऱ्या फोरच्र्युनर कार क्रमांक (एमएच-२०-सीएस-५४६२) ने दिलेल्या धडकेत कार क्रमांक (एमएच-२०-डीजे-१७७१) मधील दिपक पोपटराव खोसरे (वय ४७), राजू आसाराम मानकीकर (दोघे रा.गल्लेबोरगांव), मदन अशोक जगताप (वय २८, रा.मुकुंदवाडी) असे अपघातात ठार झालेल्यांची नावे आहेत. तर राजू वरकड (रा.मावसाळा, ता.खुलताबाद), सुनिल औटे असे गंभीर जखमी झालेल्यांची नावे आहेत.

या अपघात प्रकरणी दोन दिवसानंतर फोरच्र्युनर कारचे मालक फरजान मिनाज खान (वय २५, रा.दर्जीबाजार, छावणी) यांनी दिलेल्या तक्रारीवरून कार क्रमांक (एमएच-२०-डीजे-१७७१) च्या चालकाविरूध्द दौलताबाद पोलिस ठाण्यात गुन्हा दाखल करण्यात आला असून पुढील तपास उपनिरीक्षक दिलीप बचाटे करीत आहेत.

महत्वाच्या बातम्या

• राहुल गांधींसह सोनिया गांधींबाबत आक्षेपार्ह जाहिरात; काँग्रेसचं कंपनीविरोधात खळ्ळ-खट्याक !
• आधी रक्तदान करा आणि त्यानंतरच कोरोना प्रतिबंधात्मक लस घ्या – विजय वडेट्टीवार
• बीड जिल्हाबंदी; नाकाबंदीवर पोलिसांसोबत शिक्षक देखील तैनात
• राज्यभर आरोग्य सुविधांचा बोजवारा, आरोग्यमंत्री फक्त तोंडपाटीलकीत बिझी
• प्रवासी संख्या कमी असल्याने काही रेल्वे केल्या रद्द