देशातील जनतेसाठी आजचा दिवस आनंदाचा- संग्राम जगताप

🕒 1 min read

अहमदनगर:- कोरोना महामारीच्या पार्श्वभूमीवर आजपासून देशवासियांना काहीसा दिलासा मिळण्याची शक्यता आहे. कारण, आजपासून देशभरात लसीकरणाला सुरुवात झाली आहे. सीरम इन्स्टिट्यूट आणि ऑक्सफर्ड विद्यापीठाने संयुक्तरित्या निर्माण केलेली ‘कोव्हिशील्ड’ आणि भारत बायोटेकची ‘कोव्हॅक्सिन’ या दोन लस पहिल्या टप्प्यात कोरोनायोद्ध्यांना दिल्या जाणार आहेत.

अहमदनगर येथे महापालिकेच्या बुरुडगाव रोड येथील जिजामाता दवाखान्यात अंगणवाडी सेविका ज्योती लवांडे यांना पहिली लस जिल्हाधिकारी डॉ.राजेंद्र भोसले यांच्या उपस्थितीत देण्यात आली. यावेळी आ.संग्राम जगताप, उपमहापौर मालन ढोणे, स्थायी समितीचे सभापती मनोज कोतकर, महिला बालकल्याण समिती सभापती लता शेळके, उपसभापती सुवर्णा गेणप्पा, नगरसेवक गणेश भोसले, प्रकाश भागानगरे, नगरसेविका मीना चोपडा, संजय चोपडा, बाळासाहेब पवार, विजय गव्हाळे, डॉ.अनिल बोरगे, डॉ.बापूसाहेब कांडेकर व आरोग्य अधिकारी उपस्थित होते.

संपूर्ण विश्वातील मानव जातीवर कोरोना संसर्ग विषाणूचे महाभयंकर संकट आले होते. देशातील शास्त्रज्ञांनी व तज्ज्ञांनी यावर औषध व लस शोधण्यासाठी अहोरात्र परिश्रम घेतले. संपूर्ण देशवासियांच्या आशिर्वादाच्या जोरावर अखेर प्रभावी लस शोधण्यास आपला देश यशस्वी झाला. आज सबंध मानवजातीसाठी आनंदाची बाब म्हणजे या विषाणूवरील यशस्वी झालेल्या लसीचे प्रत्यक्ष लसीकरण सुरु झाले आहे, असे प्रतिपादन आ.संग्राम जगताप यांनी केले आहे.

महत्वाच्या बातम्या

• १ रुपयात मिळवा १४९९ रुपयांचे ब्लुटूथ इअरफोन्स !
• ‘फ्रंटलाईन वॉरियर्सचे आभार; लसीकरणाचा हा टप्पा यशस्वीरीत्या पार पडावा यासाठी आम्ही प्रार्थना करत आहोत 
• लॉकडाऊनचा परिणाम, औरंगाबादेत अपघात २८ टक्क्यांनी कमी
• धनंजय मुंडेंचा वारसदार कोण ? पहिल्या पत्नीची मुलगी की करुणा शर्मांचा मुलगा ?
• कंगनावर चोरीच्या आरोपांनंतर निर्माते जैन यांनी दिलं स्पष्टीकरण