मुंबई : भाजप नेते आणि माजी खासदार किरीट सोमय्या यांनी राष्ट्रवादीचे नेते आणि राज्याचे ग्रामविकास मंत्री हसन मुश्रीफ यांच्यावर शेकडो कोटींच्या घोटाळ्याचे आरोप केले आहेत. दरम्यान, सोमय्या हे मुरगूड पोलीस ठाण्यात मुश्रीफ यांच्याविरोधात तक्रार दाखल करण्यासाठी गेले होते. मुश्रीफ यांच्या घोटाळ्याबाबत सोमय्या यांनी पुरावे पोलिसांकडे सुपूर्द केले आहेत. यानंतर मुरगूड येथे सोमय्या यांनी पत्रकार परिषदेतून महाविकास आघाडी सरकारवर हल्लाबोल केला आहे.
हसन मुश्रीफ यांनी त्यांचा जावयाशी मिळून १५०० कोटी रुपयांचा घोटाळा केला. ही कला पण एक वेगळीच कला आहे.मुश्रीफ यांनी स्वतःच्या ग्रामविकास खात्याचे टेंडर हे स्वतःच स्वतःच्या जावयाच्या कंपनीला दिलं. ज्या कंपन्या अस्तित्वात नाहीत त्या कंपनीतून पैसे आले. हे सरकार खिसेकापू आहे. असा घणाघात त्यांनी आज पत्रकार परिषदेमधून केला आहे.
यावर आता हसन मुश्रीफ यांनी प्रतिक्रिया दिलेली आहे. यावर बोलताना मुश्रीफ म्हणाले कि, ‘किरीट सोमय्या यांच्या विरोधात मी सत्र न्यायालयात अब्रुनुकसानीचा दाव दाखल केला आहे. सोमय्या यांनी दुसरा एक घोटाळा जाहीर केला आहे. हे सर्व कारखाने जुने आहेत. तसेच त्यांनी आज आणखी एक जावई शोध लावला आहे.
मी जावयाशी मिळून १५०० कोटी रुपयांचा घोटाळा केल्याचा आरोप त्यांनी केला आहे. हे सर्व आरोप बिनबुडाचे आहेत. मी किरीट सोमय्या यांना आवाहन करेन की माझ्या कुटुंबीयांचे नाव घेणे चांगले होणार नाही. माझा जावई आपापला व्यवसाय करतो. त्यामुळे त्यांनी आमची बदनामी करणे थांबवावे.’ असे स्पष्ट मत यावेळी हसन मुश्रीफ यांनी मांडले आहे.
महत्त्वाच्या बातम्या
- गटबाजी कराल तर नेत्यांसह कार्यकर्तेही संपून जातील, जयंत पाटलांचा इशारा!
- आर आर पाटलांच्या सख्ख्या भावाकडे सोमय्यांनी केली हसन मुश्रीफ यांच्या विरोधात तक्रार
- ‘मुंबै बँकेच्या बदनामीवरून उच्च न्यायालयात १ हजार कोटींचा दावा’, प्रवीण दरेकरांची माहिती
- ‘सोमय्यांच्या मागे आम्हीच हे फडणवीस, चंद्रकांत पाटलांनी खुलेपणाने सांगावे’, सतेज पाटलांचे आव्हान
- ‘शेजाऱ्यांना रडणारे नाही तर लढणारे सरकार हवे आहे’, मुनगंटीवारांचा ठाकरे सरकारला चिमटा
बातम्यांसाठी YouTube चॅनेल Subscribe करा
Subscribe Now
