गरीब मजुरांच्या पैश्यावर चोरट्यांचा डल्ला

औरंंगाबाद : पडेगाव परिसरातील एका कुलरच्या कारखान्यात काम करणा-या गरीब मजूरांचे जवळपास ४० हजार रूपये आणि त्यांचे कपडे ठेवलेल्या बॅगा चोरट्याने चोरून नेल्या. ही घटना ६ मार्च रोजी मध्यरात्रीच्या सुमारास घडली.

अतिक रफीक खान (वय २४, रा.कानीवळा, मध्यप्रदेश, ह.मु.कासंबरी दर्गाहजवळ, पडेगाव) हे आपल्या सहकार्यांसोबत एका कुलर बनविणा-या कारखान्यात काम करतात. दोन दिवसापुर्वी सर्व कामगारांच्या पगार झाल्याने कामगारांनी त्यांना मिळालेले वेतनाचे पैसे आपल्याजवळील कापडी बॅगमध्ये ठेवून सर्वजण झोपी गेले होते.

मध्यरात्रीच्या सुमारास चोरट्याने त्यांच्या खोलिचा दरवाजा उघडून कामगारांच्या बॅगा व रोख रक्कम ४० हजार रूपये चोरून नेले. याप्रकरणी अतिक रफीक खान यांनी दिलेल्या तक्रारीवरून चोरट्याविरूध्द छावणी पोलिस ठाण्यात गुन्हा दाखल करण्यात आला आहे.

महत्त्वाच्या बातम्या : 

• औरंगाबादेत कोरोनाचे ४२६ नवे रुग्ण, ५ रुग्णांचा मृत्यू, ११ मार्चपासून अंशत: लॉकडाऊन
• औरंगाबादेतील अंशत: लॉकडाऊनमध्ये काय सुरू, काय बंद? जाणून घ्या
• ‘नागरिकांनी लॉकडाऊन पुर्ण पणे लागू नये, यासाठी सहकार्य करावे’
• तर औरंगाबाद जिल्हा परिषद अध्यक्षांवर गुन्हा दाखल करू-जिल्हाधिकारी
• बाळासाहेबांच्या ‘त्या’ विधानाचा आधार घेत राणेंचा उद्धव ठाकरेंवर निशाणा