मुंबई: राष्ट्रवादीचे सर्वेसर्वा शरद पवार (sharad pawar) यांच्या मुंबईतील सिल्व्हर ओक या बंगल्यावर काल (८ एप्रिल) एसटी कर्मचाऱ्यांनी आंदोलन केले.यावेळी संतप्त कर्मचाऱ्यांनी दगडफेक आणि चप्पलफेकही केली. या घटनेनंतर भाजप नेते नितेश राणे (nitesh rane) यांनी मविआ सरकारने मुंबईच्या सीपींना त्वरित राजीनामा देण्यास सांगावे, अशी मागणी केली आहे.
“कालचा ‘सिल्व्हर ओक’ भाग त्यांनी स्क्रिप्ट केलेला नव्हता यावर लोकांनी विश्वास ठेवावा असे जर MVA ला वाटत असेल तर त्यांनी मुंबईच्या सीपींना लवकरात लवकर राजीनामा देण्यास सांगावे. कारण ते एक मोठे गुप्तचर अपयश आहे. नाहीतर ती एक चांगली स्क्रिप्ट केलेली कथा होती दुसरे काही नाही!”, असा टोला नितेश राणे यांनी ट्वीट करत लगावला आहे.
दरम्यान यावरच केंद्रीय मंत्री नारायण राणे (narayan rane) यांनीही प्रतिक्रिया दिली आहे. “माननीय शरद पवारजी यांच्या घरावरील हल्ला समर्थनीय नाही. निश्चितच निषेधार्ह आहे, परंतु सरकारने एसटी कर्मचाऱ्यांच्या भावना ओळखणे गरजेचे आहे. त्यांच्यावर आंदोलन करण्याची आलेली वेळ व त्यात गेलेले १०० पेक्षा अधिक बळी, या घटनेचे गांभीर्य सरकारने ओळखावे आणि एसटी कामगारांबद्दल सहानुभूती दाखवावी. सुडाची कारवाई करू नये.”, असे ट्वीट नारायण राणे यांनी केले आहे.
महत्वाच्या बातम्या:
“निवडणूक राजकीय शर्यत असली तरी त्यात खिलाडूवृत्ती असावी दुर्दैवाने भाजप…”, अशोक चव्हाण यांची टीका
“काय उपयोग ५० वर्ष राजकारणात असून लोकं घरावर चप्पल…”, निलेश राणेंचा शरद पवारांना टोला
“अजित पवार इतके आक्रमक नेते की, काल मुंबईत…”, निलेश राणेंचा खोचक टोला
