मुंबई: एमआयएमने महाविकास आघाडीला आघाडीची ऑफर दिल्यानंतर मुख्यमंत्री उद्धव ठाकरे (Uddhav Thackeray) यांनी काल (२० मार्च) यावर प्रतिक्रिया दिली. औरंगजेबाच्या थडग्यावर डोकी टेकतात त्यांच्यासोबत मेलो तरी जाणार नाही इतकी कडवट निष्ठा असताना उगाच हा मुद्दा काढायचा आणि आम्ही हिंदुत्वापासून दूर चाललो आहोत हे दाखवायचं. आम्ही काय मूर्ख नाही. असे त्यांनी म्हटले. यावेळी त्यांनी भाजपवरही निशाणा साधला. यावरच आता भाजप नेते निलेश राणे (Nilesh Rane) यांनी उद्धव ठाकरे (Chief Minister Uddhav Thackeray) यांच्यावर टीका केली आहे.
मुख्यमंत्र्यांच्या FB लाईव्ह चे ठळक मुद्दे – अंगार, भंगार, मी सगळीकडे फिरणार आणि दिसणार.
हे ऐकून मला एक जुना पिक्चर आठवला ‘जानी दुश्मन‘, त्यात विलन एक इच्छाधारी नाग असतो, त्याचा डायलॉग आहे ‘मे अभि सब जगा देखुंगा‘.
— Nilesh N Rane (@meNeeleshNRane) March 21, 2022
“मुख्यमंत्र्यांच्या FB लाईव्ह चे ठळक मुद्दे- अंगार, भंगार, मी सगळीकडे फिरणार आणि दिसणार. हे ऐकून मला एक जुना पिक्चर आठवला ‘जानी दुश्मन‘, त्यात विलन एक इच्छाधारी नाग असतो, त्याचा डायलॉग आहे ‘मे अभि सब जगा देखुंगा‘.”, असा टोला निलेश राणे यांनी लगावला आहे.
काय म्हणाले होते मुख्यमंत्री ठाकरे?
शिवसेनेचं हिंदुत्व महाराष्ट्रभर पोहोचवून एमआयएमचा कट उधळून लावा असे म्हणत उद्धव ठाकरे यांनी यावेळी मेहबुबा मुफ्तींसोबत भाजपाने केलेल्या युतीची आठवण करुन देत म्हटलं की, “मेहबुबा मुफ्ती विसरु नका. एक वेळ अशी होती की, ते मुफ्तीसोबत संसार करत होते, आता ते आपल्याला बोलत आहेत” तसेच आपण महाविकास आघाडी म्हणून एक आहोत, महाविकास आघाडीचा धर्म आपल्याला पाळायचा आहे त्यामुळे जशास तसं उत्तर देण्यासाठी तयार राहा. असे आवाहनही उद्धव ठाकरे यांनी केले.
महत्वाच्या बातम्या:
- IPL 2022: कोच फ्लेमिंगने केला खुलासा ; सांगितले चेन्नईचे सुरतमध्ये ट्रेनींग करण्यामागील कारण
- “भाजपच्या पाठबळामुळेच या…”, ‘द कश्मीर फाइल्स’वरून शरद पवारांची मोदी सरकारवर टीका
- महाराष्ट्राच्या दुश्मनांसाठी शिवचरित्र हा एक धडा आहे- संजय राऊत
- ‘आयपीएलनेच मार्केट बनवलंय’ पाकिस्तानी पत्रकाराला रॉबिन उथप्पाचे सडेतोड उत्तर
- एमआयएमने दिलेल्या ऑफरवर शरद पवारांची पहिली प्रतिक्रिया; म्हणाले, “हा एक राजकीय…”
बातम्यांसाठी YouTube चॅनेल Subscribe करा
Subscribe Now
