एमआयएमने दिलेल्या ऑफरवर शरद पवारांची पहिली प्रतिक्रिया; म्हणाले, “हा एक राजकीय…”

बारामती : एमआयएमचे खासदार इम्तियाज जलील (Imtiaz Jaleel) यांनी महाविकास आघाडीसोबत युतीची तयारी दाखवली. त्यामुळे एमआयएम महाविकास आघाडीत येणार का? या चर्चांना उधाण आले आहे. दरम्यान, यावर राजकीय क्षेत्रातून अनेक प्रतिक्रिया उमटत असतानाच आता राष्ट्रवादीचे सर्वेसर्वा शरद पवार (Sharad Pawar) यांनीही यावर भाष्य केले आहे.

यासंदर्भात प्रसार माध्यमांशी संवाद साधत असतांना शरद पवार म्हणाले की,‘कोणाला कोणत्या पक्षासोबत जायचे हे ते स्वत: सांगू शकतात. परंतु ज्यांच्यासोबत जायचे आहे, त्या पक्षांनी तर प्रस्तावावर हो म्हणायला हवे’, असे पवार म्हणाले.

दरम्यान, पुढे ते म्हणाले की,‘हा एक राजकीय निर्णय असून हा प्रस्ताव महाराष्ट्रापुरता केला तर राष्ट्रवादी काँग्रेस पक्ष म्हणून अशाप्रकारच्या राजकीय निर्णय घेण्याचा अधिकार कोणाला देत नाही. राज्यामध्ये अशाप्रकारचा निर्णय आपण घेऊ शकतो हे जोपर्यंत पक्षाची राष्ट्रीय समिती स्पष्ट करत नाही तोपर्यंत अशाप्रकारची भूमिका घेता येणार नाही’, असेही शरद पवार यावेळी म्हणाले.

महत्वाच्या बातम्या 

• “370 कलम हटवणारी भाजप आहे,…” – देवेंद्र फडणवीसांचा शिवसेनेवर हल्लाबोल
• IND vs SL : बंगळुरुच्या खेळपट्टीबाबत ICCनं दिला मोठा निर्णय; केली कडक कारवाई!
• “सोनिया मॅडम चिडतील या भीतीने उद्धव ठाकरे…”, भातखळकरांचा टोला
• रामदास आठवलेंनी केली AIMIM साठी खास कविता; म्हणाले…
• भारीच ना..! पुन्हा रंगणार भारत-पाकिस्तान महामुकाबला; वर्ल्डकपपूर्वी ‘या’ स्पर्धेची झाली घोषणा!