पुण्यातील विजय विराट कोहलीसाठी ठरला खास

पुणे : रविवरी भारत विरुद्ध इंग्लंड संघातील वनडे मालिकेतील तिसरा सामना झाला. या सामन्यात भारताने ७ धावांनी विजय मिळवत मालिका २-१ अशा फरकाने जिंकली आहे. या निर्णायक एकदिवसीय सामन्यात भारताने इंग्लंडवर 7 धावांनी विजय मिळवला. शेवटच्या षटकांत इंग्लंडला विजयासाठी 6 चेंडूत 14 धावांची आवश्यकता होती, मात्र नटराजनने अचूक गोलंदाजी करताना केवळ 6 धावा दिल्या आणि भारताने विजय साकार केला. या विजयासह भारताने 3 सामन्यांची मालिका 2-1 ने जिंकली.

विराट कोहलीने कर्णधार म्हणून आपला 200 वा आंतरराष्ट्रीय सामना अविस्मरणीय बनवला. कोहलीच्या नेतृत्त्वात टीम इंडियाने 130वा विजय मिळवला आहे. सर्व फॉर्मेटमध्ये सर्वाधिक विजय प्राप्त करणाऱ्यांच्या यादीत विराट कोहली दुसऱ्या क्रमांकावर आहे. तर प्रथम क्रमांकावर ऑस्ट्रेलियाचा माजी कर्णधार रिकी पाँटिंग आहे. पाँटिंगच्या नेतृत्त्वात ऑस्ट्रेलियाने 152 सामन्यांमध्ये विजय मिळवला आहे.

तर दक्षिण अफ्रिकेचा माजी कर्णधार ग्रॅम स्मिथ तिसऱ्या क्रमांकावर आहे. त्याच्या नेतृत्त्वात दक्षिण आफ्रिकेने 111 सामन्यांमध्ये विजय मिळवून दिला आहे. टीम इंडियाचा माजी कर्णधार महेंद्र सिंह धोनी याचेही नाव या यादीत समाविष्ट आहे. त्याच्या नेतृत्त्वात टीम इंडियाने 109 आंतरराष्ट्रीय सामन्यांमध्ये विजय मिळवला आहे. धोनी यादीत चौथ्या क्रमांकावर आहे.

महत्वाच्या बातम्या

• ये बॅट हमको दे, दे ठाकूर ; शार्दुलच्या शानदार षटकारावर स्टोक्स फिदा
• ‘रिषभ जर असाच खेळत राहिला तर तो ‘या’ दोघांनाही मागे टाकेल’
• शार्दुल-भुवनेश्वरला पुरस्कार न मिळाल्याने विराट भडकला, म्हणाला…
• सचिन-युसूफ नंतर ‘या’ खेळाडूला कोरोनाची लागण ; रोड सेफटी स्पर्धा अंगलटी येणार ?
• पांड्याच्या ‘या’ चुकीमुळे सामना शेवटच्या षटकापर्यंत रंगला