दक्षिण आफ्रिका दौऱ्यावर अजिंक्य रहाणे असणार उपकर्णधार?

🕒 1 min read

नवी दिल्ली : दक्षिण आफ्रिका क्रिकेट (South Africa Cricket Team) संघाच्या आगामी दौऱ्यावर अजिंक्य रहाणे (Ajinkya Rahane) टीम इंडियाचा उपकर्णधार म्हणून कायम राहणार आहे. या अहवालानुसार रहाणेचा संघात समावेश होणार असून तो उपकर्णधारपदावर कायम राहणार आहे. याआधी रहाणेच्या जागी रोहित शर्माला उपकर्णधार बनवल्याची चर्चा होती.

वृत्तानुसार, दक्षिण आफ्रिका दौऱ्यासाठी भारताचा 20 सदस्यीय संघ बुधवारी जाहीर केला जाऊ शकतो. तर हनुमा विहारी संघात पुनरागमन करू शकतो. न्यूझीलंड मालिकेसाठी त्याला कसोटी संघात स्थान देण्यात आले नव्हते. हनुमा विहारी सध्या भारत अ दौऱ्यावर दक्षिण आफ्रिकेत आहे आणि तेथील परिस्थितीशी त्याने स्वतःला चांगले जुळवून घेतले आहे.

खराब कामगिरीनंतरही अजिंक्य रहाणेला संधी मिळणार – अहवाल

अजिंक्य रहाणेची कामगिरी गेल्या काही कसोटी सामन्यांमध्ये चांगली राहिलेली नाही. तो सातत्याने फ्लॉप होत आहे आणि त्यामुळेच त्याच्या संघातील स्थानावर अनेक प्रश्न उपस्थित केले जात आहेत.

मात्र, कर्णधार विराट कोहलीने रहाणेला पूर्ण पाठिंबा दिल्याचे सांगितले होते. विराट कोहली म्हणाला की, रहाणेने अनेक वेळा संघाला सामने जिंकण्यासाठी कठीण परिस्थितीत धावा केल्या आहेत. कोहली म्हणाला की, तो अजिंक्य रहाणेला त्याच्या फॉर्मच्या आधारावर न्याय देऊ शकत नाही. ज्या खेळाडूंनी कठीण परिस्थितीत संघासाठी चांगली कामगिरी केली आहे, अशा खेळाडूंना पाठिंबा देणे खूप महत्त्वाचे आहे.

भारतीय संघाला आता न्यूझीलंड मालिकेनंतर दक्षिण आफ्रिकेच्या दौऱ्यावर जायचे आहे, जिथे कसोटी आणि एकदिवसीय मालिका खेळवली जाणार आहे. भारतीय संघाला यावेळी दक्षिण आफ्रिकेविरुद्धची कसोटी मालिका जिंकायला नक्कीच आवडेल. यावेळी त्याला मोठी संधी आहे.

महत्वाच्या बातम्या

• अॅशेस मालिका सुरू होण्यापूर्वी बेन स्टोक्सने वडिलांच्या आठवणीत शेअर केली भावूक पोस्ट
• ‘नागालँड प्रकरणाची ‘कोर्ट ऑफ इन्क्वायरी’ कधी होणार?’, खा. राऊतांचा सवाल
• ‘गुप्तचर यंत्रणेच्या चुकीच्या माहितीमुळेच नागालँडमधील अमानुष प्रकार घडला’
• संयुक्त किसान मोर्चाची आज महत्वाची बैठक; आंदोलन मागे घेण्याची शक्यता
• रजिस्टर लग्न करत जितेंद्र आव्हाडांच्या मुलीने सर्वांपुढेच ठेवला एक चांगला आदर्श