मुंबई : महाराष्ट्रात कोरोनाची दुसरी लाट आली आहे. या लाटेमध्ये कोरोनाचा प्रादुर्भाव चांगलाच वाढला आहे. या लाटेवर नियंत्रण मिळावं म्हणून महाराष्ट्रात आता १५ मे पर्यंत ब्रेक दि चेन लॉकडाऊन वाढवण्यात आला आहे.
राज्यात स्थिती अद्यापही पूर्ण आटोक्यात न आल्याने बुधवारी झालेल्या मंत्रिमंडळ बैठकीत झालेल्या चर्चेनुसार लॉकडाऊन १५ मे पर्यंत वाढवला जाईल असे संकेत महाविकास आघाडीतील मंत्र्यांनी दिले होते. शिवाय आरोग्य यंत्रणांवरील ताण जैसे थे आहे. सध्या केंद्राने मदतीसाठी पुढाकार घेतल्यानंतर राज्यातील ऑक्सिजन आणि रेमडेसिवीर पुरवठ्यातील तुटवडा काहीसा कमी झाला असला तरी रुग्णालयांमध्ये अद्यापही बेड मिळत नाहीये. काही रुग्ण हे रुग्णालयात बेड मिळत नसल्याने तर काही रुग्णालयांमध्ये होणाऱ्या दुर्घटनांमुळे रुग्णांना आपला जीव गमवावा लागत आहे.
लोक अजूनही बाहेर फिरत आहेत, आरोग्य यंत्रणांवर ताण वाढतोय, लसींचा पुरेसा साठी उपलब्ध होत नाहीये. त्यामुळे कठोर निर्णय घ्यावेच लागतील अन्यथा हे कुठेच थांबणार नाही. याची कल्पना राज्य सरकारला द्या, अशा कडक शब्दांत न्यायालयाने राज्य सरकारला सूचना केल्या आहेत.
राज्य सरकार कोरोना हाताळण्यात सर्व आघाड्यांवर पूर्ण अपयशी- न्यायालय.
राज्य सरकारवर सणसणीत ताशेरे मारलेत. पण कोणतेच काम न करता वाचाळपणा, केंद्राच्या नावाने कांगावा करणार, अधिकाऱ्यांना ‘टार्गेट’ देणार राज्य सरकार या ताशेऱ्यातून काही धडा घेणार का? @OfficeofUT घराबाहेर पडणार का?— Keshav Upadhye (@keshavupadhye) April 29, 2021
यावरून भाजपने राज्य सरकार अपयशी ठरत असल्याची टीका केली असून आता तरी मुख्यमंत्री उद्धव ठाकरे घराबाहेर पडणार का ? असा खोचक सवाल केला आहे. ‘राज्य सरकारवर सणसणीत ताशेरे मारलेत. पण कोणतेच काम न करता वाचाळपणा, केंद्राच्या नावाने कांगावा करणार, अधिकाऱ्यांना ‘टार्गेट’ देणार राज्य सरकार या ताशेऱ्यातून काही धडा घेणार का? उद्धव ठाकरे घराबाहेर पडणार का?’ असं टीकास्त्र महाराष्ट्र भाजपचे मुख्य प्रवक्ते केशव उपाध्ये यांनी सोडलं आहे.
महत्वाच्या बातम्या
- ‘घाबरुन उगाच इकडे तिकडे पळापळ करु नका, डॉक्टरांच्या संपर्कात राहून रुग्ण घरीच बरे होतात’
- लष्करप्रमुख-पंतप्रधानांची भेट; लष्कराची रुग्णालये आता सामान्य नागरिकांसाठी खुली
- जिल्हाधिकारीच विखेंना पाठीशी घालत आहेत; न्यायालयाने व्यक्त केली नाराजी
- पोलिसांना धमकावल्याप्रकरणी फडणवीसांसह दरेकरांवर गुन्हा दाखल करा; एसआयटी नेमा : भाई जगताप
- ‘कोर्टाने सांगितलंय राज्यात कडक लॉकडाऊन करा; आम्ही देखील लॉकडाऊनबाबत सरकारसोबत’
बातम्यांसाठी YouTube चॅनेल Subscribe करा
Subscribe Now
