नवी दिल्ली : भारताचा माजी यष्टीरक्षक सबा करीमने महान फलंदाज विराट कोहलीवर मोठी प्रतिक्रिया दिली आहे. विराट कोहलीने अलीकडेच सोशल मीडियावर काही फोटो शेअर केले आहेत. ज्यात तो दक्षिण आफ्रिकेत कसोटी मालिका सुरू होण्यापूर्वी कठोर प्रशिक्षण घेत असल्याचे दिसून येत आहे. प्रशिक्षण घेत असताना कोहलीच्या चेहऱ्यावर एक वेगळेच तेज दिसत आहे. यावरच सबा करीम म्हणाला की, कोहलीला त्याच्या प्रशिक्षण सत्राचा पुरेपूर आनंद घेताना पाहून आनंद झाला. तसेच त्याच्याकडे पाहून वाटत आहे त्याच्यावरचे काही ओझे कमी झाले आहे.
बीसीसीआयने आपल्या ट्विटर हँडलवर एक व्हिडिओ पोस्ट केला आहे, ज्यामध्ये संघाचे सदस्य नेटवर सराव करताना दिसत आहेत. व्हिडिओच्या सुरुवातीला खेळाडू मैदानात वॉर्म अप करताना दिसत होते. नेटमध्ये फॉरवर्ड बचावात्मक शॉट खेळल्यानंतर कर्णधार कोहली प्रशिक्षक राहुल द्रविडशी गप्पा मारताना दिसला. सलामीवीर आणि उपकर्णधार केएल राहुल पुल शॉट्स खेळण्यात व्यस्त दिसले तर अजिंक्य रहाणे आणि श्रेयस अय्यर यांनीही नेटमध्ये घाम गाळला आहे. राहुलप्रमाणेच रविचंद्रन अश्विननेही पुल शॉटचा सराव केला. ऑफस्पिनरने नेट सत्रात गोलंदाजीचा सरावही केला.
Session 1
Done ✅ pic.twitter.com/JKwLhoaPeZ— Virat Kohli (@imVkohli) December 18, 2021
एका पसिद्ध वृत्तसंस्थेसी संवाद साधत असताना सबा करीम म्हणाले, विराट कोहलीच्या डोक्यावरून मोठं ओझं उतरल्याचं दिसतंय. आता तो खुल्या मनाने खेळू शकतो आणि कसोटी कारकिर्दीची नव्याने सुरुवात करू शकतो. आता त्याच्याकडून अपेक्षा आहेत. जर त्याने खुल्या दृष्टिकोनाने फलंदाजी केली तर तो पुन्हा फॉर्ममध्ये येऊ शकतो. सराव सत्रात त्याने ज्या प्रकारचा फॉर्म दाखवला, तोच फॉर्म तो सामन्यात दाखवेल, असा मला विश्वास आहे.
महत्वाच्या बातम्या
- “दारुवरचा कर कमी करणाऱ्या ठाकरे सरकारला पैशांची गरज आहे”
- “इथे प्यायला पाणी नाही अन् राज्य सरकारने दारु स्वस्त केली, आता लोकांनी दारु प्यायची का?”
- ‘त्या’ पार्टीत कोण मंत्री होते हे जाहीर करा, अन्यथा…; पेडणेकरांचं शेलारांना आव्हान
- सहकार क्षेत्र खाजगी लोकांच्या घशात घालण्याचे षडयंत्र चाललेले आहे-देवेंद्र फडणवीस
- “पुरात वाहून आलेल्या पुण्याच्या स्वयंघोषित दादांना आपल्या मतदारसंघातही…”
