औरंगाबाद : पूर्ववैमनस्यातून मित्रानेच मित्राची हत्या केल्याची घटना, हडको जवळील बिकानेर मिठाई दुकानाजवळ शनिवारी रात्री घडली. यश सोमेश महेंद्रकर वय २१ रा. एसबीओए शाळेच्या पाठीमागे, असे मयताचे नाव असून राज नामदेव जाधव असे संशयित आरोपीचे नाव आहे.
जळगावरोड हडको येथील बिकानेर मिठाईच्या दुकानाजवळ यश आणि राजचा मित्र श्रीकांत शिकरे बसलेला होता. त्याठिकाणी राज आणि त्याचे काही मित्र आले. राजने श्रीकांतला सांगितले कि, आज मी यशला नाही सोडणार. याचे श्रीकांतने कारण विचारल्यावर यशने शिवीगाळ केल्याचे सांगितले. त्यावर श्रीकांत ने राजला समजवून सांगण्याचा प्रयत्न केला.
परंतु, राज ऐकण्याच्या मनस्थितीत नव्हता, राजने यशला फोन करून तुळजा भवानी चौकापाशी बोलावून घेतले. त्यानंतर काही वेळात यश आणि त्याचे दोन मित्र विशाल, प्रफुल सोबत त्या ठिकाणी आला. त्याला पाहून राज जाधव यशला मारण्यासाठी धावून घेला. त्यावेळी त्याच्या हातात चाकू होता, त्याला श्रीकांतने मित्रांच्या सहायाने बाजूला केले.
परंतु, राज ऐकण्याच्या मनस्थितीत नसल्याने तो पुन्हा यशला मारण्यासाठी धावून गेला आणि यशवर चाकूने वार केले. त्यात यश जखमी झाला, त्याला जखमी अवस्थेत मित्रांनी जवळच असलेल्या खाजगी रुग्णालयात नेले. परंतु, रुग्णालयात जागा नसल्याने त्यांनी घाटीतील अपघात विभागात नेले. तिथे डॉक्टरांनी यशला तपासून मयत घोषित केले.
हि, घटना परिसरात वाऱ्यासारखी पसरली, घटनास्थळी पोलीस, फोरेन्सिकचे पथक दाखल झाले. पोलिसांनी रात्री उशिरा राज नामदेव जाधवला ताब्यात घेऊन अटक केली. या प्रकरणी हर्सूल पोलिस ठाण्यात गुन्हा दाखल करण्यात आला आहे. पुढील तपास पोलिस करीत आहे.
महत्त्वाच्या बातम्या
- अंकिता लोखंडे पुन्हा चर्चेत ; चर्चेचा विषय ठरतोय ‘हा’ व्हिडीओ
- जयंत पाटील हे अनिल देशमुख यांच्या घराचे वॉचमन आहेत का? – निलेश राणे
- तापसीवरील ‘त्या’ ट्विटनंतर कंगना पु्न्हा ट्रोल
- फिट असूनही कोरोना होतो कसा ? नेटकऱ्यांच्या प्रश्नावर मिलिंद सोमणने दिले हे उत्तर
- ‘काँग्रेसमध्ये काम करणाऱ्यांची किंमत, निष्क्रिय नेत्यांची गरज नाही’
बातम्यांसाठी YouTube चॅनेल Subscribe करा
Subscribe Now
