मुंबई : ५ ऑक्टोबर रोजी मुंबईत शिवतीर्थ मैदानावर उद्धव ठाकरे गटाचा दसरा मेळावा तर बीकेसी मैदानावर एकनाथ शिंदे गटाचा दसरा मेळावा पार पडला. मेळाव्यादरम्यान दोन्ही गटांनी एकमेकांवर आरोप प्रत्यारोप करण्याची एकही संधी सोडली नाही. ठाकरे आणि शिंदे गटाकडून जोरदार शक्तिप्रदर्शनही करण्यात आले. खरी शिवसेना कुणाची यावर जनता आपल्या उपस्थितीने उत्तर देणार असल्याचं म्हंटल जात होत. या संदर्भात रोहित पवार यांनी भाष्य केलं आहे. “जनता सोबत असली तर किल्ला मात्र अभेद्य राहतो” असं म्हणत त्यांनी एक पोस्ट शेअर केली आहे.
“मुंबईचा बालेकिल्ला ढासळत असल्याची चर्चा मी ऐकली होती, पदाधिकारी गेल्याने एखाद- दुसरा बुरुज ढासळू शकतो, परंतु सामान्य कार्यकर्ते, जनता सोबत असली तर किल्ला मात्र अभेद्य राहतो याची प्रचीती कालच्या गर्दीने दिली आणि शेवटी निष्ठा जिंकली” असं म्हणत रोहित पवारांनी शिंदे गटाला चिमटा काढला आहे.
रोहित पवार म्हणाले, “कालच्या दोन्ही सभा बघितल्या, लोकांमध्ये उत्साह- निष्ठा बळजबरीने किंवा अन्य मार्गांनी आणता येत नाही, माणसं स्वयंस्फूर्तीने आली तरच उत्साह शेवटपर्यंत टिकतो आणि निष्ठा दिसते हेच पुन्हा अधोरेखित झालं. मुंबईचा बालेकिल्ला ढासळत असल्याची चर्चा मी ऐकली होती, पदाधिकारी गेल्याने एखाद- दुसरा बुरुज ढासळू शकतो, परंतु सामान्य कार्यकर्ते, जनता सोबत असली तर किल्ला मात्र अभेद्य राहतो याची प्रचीती कालच्या गर्दीने दिली आणि शेवटी निष्ठा जिंकली.” अशा आशयाची पोस्ट रोहित पवार यांनी केली आहे.
दरम्यान, विरोधी पक्षनेते अजित पवार यांनी कालच्या दसरा मेळाव्या संदर्भांत प्रतिक्रिया दिली आहे. काल एकनाथ शिंदेंचं (Eknath Shinde) तसेच उद्धव ठाकरेंचं (Uddhav Thackeray) काय मार्गदर्शन झालं हे आपण सर्वांनीच पाहिलेलं आहे, मी देखील पाहिलेलं आहे. त्यांनी-त्यांनी त्यांचे विचार सगळ्यांसमोर ठेवले, दोन्ही कडे गर्दी होती, कशी होती हे देखील सर्वांना माहिती आहे, मिडीयाने लोकांना अनेक प्रश्न विचारले तेव्हा शिंदेंच्या मेळाव्याला जाणाऱ्यांना माहितंचं नव्हते की ते कुठे चाललेत, अशी प्रतिक्रिया अजित पवारांनी दिली आहे.
महत्वाच्या बातम्या :
- Madhuri Dixit | ‘झलक दिखला जा 10’ च्या मंचावर Kili Paul सह माधुरी दिक्षीत चे ठुमके
- BJP | “अमित शाहांवर टीका करण्याइतकी तुमची…”; भाजपचा उद्धव ठाकरे यांच्यावर निशाणा
- Sushmita Sen | टाळी वाजवतानाच्या पोज मधील सुष्मिता सेन चा ‘किन्नर’ भूमिकेतला लुक, बघून व्हाल थक्क!
- Nilesh Rane | “काल उद्धव ठाकरे यांची बायको आणि दोन शेंबडी पोरं सोडली तर…”, निलेश राणेंचा घणाघात
- Devendra Fadanvis | “ठाकरेंनी स्क्रिप्ट राईटर बदलावा”; देवेंद्र फडणवीस यांचा ठाकरेंवर निशाणा
