मुंबई : संपुर्ण राज्याचं लक्ष वेधून घेतलेला दसरा मेळावा अखेर काल पार पडला. शिवसेना पक्षप्रमुख उद्धव ठाकरे आणि एकनाथ शिंदे यांनी दोन वेगळ्या ठिकाणी दसरा मेळावे आयोजित केले होते. एकनाथ शिंदे यांच्या बंडामुळे राज्याच्या इतिहासात असं पहिल्यांदाच घडलं. यावेळी बोलताना उद्धव ठाकरे यांनी भाजपवर हिंदुत्वाच्या मुद्द्यावर सडकून टीका केली. त्यांनी देवेंद्र फडणवीस यांच्यासोबतच अमित शाह यांना देखील फैलावर घेतलं. अशातच कालच्या दसरा मेळाव्यावरुन भाजप नेते प्रसाद लाड यांनीही उद्धव ठाकरे यांच्यावर टीका केली आहे.
काय म्हणालेत प्रसाद लाड?
“सर्जिकल स्ट्राइक कोणी केला याचा उद्धव ठाकरे यांना विसर पडला असल्याचं प्रसाद लाड यावेळी म्हणले. अमित शाहांवर टीका करण्याइतकी तुमची उंची नाही. तुम्ही साधं याकूब मेमनची कबर उकरु शकला नाहीत. अमित शाहांबद्दल, पाकव्याप्त काश्मीरबद्दल बोलूच नये”,असं देखील लाड म्हणालेत.
“मोदी, शाह हे पाकव्याप्त काश्मीर कधी भारतात घेतील हे तुम्हाला कळणारही नाही. तुमची सकाळ दुपारी १२ वाजता होते, त्यामुळे रात्री पाकव्याप्त काश्मीर कधी येईल हे तुम्हाला समजणारही नाही”,असा इशारा प्रसाद लाड यांनी दिलायं. आजुबाजूच्या ज्ञान देणाऱ्या त्या चांडाळ चौकडीचं ज्ञान आधी वाढवा,” असंही ते म्हणाले. ‘सोनं नाही तर भंगार लुटलं’ असं म्हंटल लाड यांनी ठाकरेंवर निशाणा साधला आहे.
“जनतेला कोणतंही सोनं मिळालं नाही. सोन्याच्या रुपात पितळही मिळालं नाही. ना चांदी मिळाली, ना पितळ मिळाल, फक्त भंगार मिळालं. भंगारवाल्यांसह सत्तेत राहिल्याने भंगारच लुटायची वेळ आली आहे. भंगारच लुटायचं काम त्यांनी केलं,” अशा शब्दात प्रसाद लाड यांनी उद्धव ठाकरे यांच्या भाषणाची खिल्ली उडवली आहे.
महत्वाच्या बातम्या :
- Devendra Fadanvis | “ठाकरेंनी स्क्रिप्ट राईटर बदलावा”; देवेंद्र फडणवीस यांचा ठाकरेंवर निशाणा
- Upcoming Car Launch | Tata सफारी इलेक्ट्रिक कार होणार लवकरच लाँच
- Nitesh Rane | “तुमच्या आदित्य कार्ट्याला विचारा जरा..”, नितेश राणेंचा आदित्य ठाकरेंवर निशाणा
- BJP | ‘बापाच्या नावाने थापा’; ठाकरेंच्या ‘त्या’ वक्तव्यावर भाजपचा पलटवार
- New Smartphone Launch | Motorola चा ‘हा’ नवीन स्मार्टफोन होणार 7 ऑक्टोबरला लाँच
