मराठा आंदोलनाची दिशा उद्या नाशकातून ठरणार

नाशिक : मराठा आरक्षणाबाबत मुख्यमंत्री उद्धव ठाकरे यांच्याशी चर्चा झाल्यानंतर, सकल मराठा क्रांती मोर्चाच्या राज्य समन्वयकांची बैठक नाशकात होत आहे. या बैठकीतून मराठा आरक्षणासंदर्भातील पुढील आंदोलनाची दिशा स्पष्ट होणार आहे. सोमवारी (दि. २१) नाशिक येथील नियोजित मूक मोर्चा झाल्यानंतर, खा. छत्रपती संभाजीराजे यांच्या उपस्थितीत समन्वयकांची आत्मचिंतन बैठक होणार आहे.

सकल मराठा समाज व मराठा क्रांती मोर्चा नाशिककडून आंदोलनाबाबतच्या नियोजनासंदर्भात बैठक झाली. जिल्ह्यातील सर्व मंत्री, आमदार, खासदार व लोकप्रतिनिधींनी या आंदोलनात उपस्थित राहावे व मराठा समाजाच्या आरक्षणाबाबत त्यांची भूमिका जाहीर करावी, यासाठी सर्व लोकप्रतिनिधींनी आंदोलनास उपस्थिती लावावी. यासाठी त्या त्या पक्षाच्या पदाधिकाऱ्यांनी जबाबदारी घ्यावी, असेही या वेळी स्पष्ट करण्यात आले.

दरम्यान, मराठा आरक्षणासंदर्भात नाशिक येथे नियोजित मूक मोर्चा आंदोलन सोमवारी सकाळी नऊ वाजता नाशिकमधील गंगापूररोडवरील रावसाहेब थोरात हॉलशेजारील मैदानात होणार आहे. खा. छत्रपती संभाजीराजे यांच्या नेतृत्वाखाली होणाऱ्या या आंदोलनास, जिल्ह्यातील मराठा समाज व आरक्षणास पाठिंबा देणाऱ्या बांधवांनी मोठ्या संख्येने उपस्थित रहावे, असे आवाहन मराठा क्रांती मोर्चाचे समन्वयकांनी केले आहे.

महत्वाच्या बातम्या

• मराठा आरक्षण; सुप्रीम कोर्टाच्या निर्णयाविरोधात विनोद पाटलांची पुनर्विचार याचिका
• ‘इच्छा व्यक्त करा; पण सध्या मुख्यमंत्रिपद रिकामे नाही’, राष्ट्रवादीचा नाना पटोले यांना टोला
• ‘…तर पुन्हा कपडे उतरवणार’ ; डब्ल्यूटीसी फायनल वर पूनम पांडेचे नवे भाष्य
• कोणत्याही आंदोलनात हाणामारी करायची वेळ आली की राणे बंधू शेपुट घालुन पळ काढतात – वैभव नाईक
• दिनेश कार्तिक बनला ‘वेदर मॅन’, स्वत:च केला खुलासा