मुंबई: केंद्रीय मंत्री नारायण राणे यांची आज सायंकाळी ४ वाजता जुहु येथील त्यांच्या निवासस्थानी पत्रकार परिषद होणार आहे. दरम्यान राणे यांनी मुख्यमंत्र्यांवर केलेल्या वादग्रस्त वक्तव्याप्रकरणी त्यांच्यावर अनेक ठिकाणी गुन्हे दाखल झालेत. याप्रकरणी आता राणे यांनी हायकोर्टात याचिका दाखल केली आहे. त्यावर आज दुपारी २ वाजून ३० मिनिटांनी सुनावणी होणार आहे. त्याअगोदर राणे यांनी एक ट्वीट केले आहे.
कालच्या प्रसंगामध्ये माझ्या पाठीशी खंबीरपणे उभे राहणारे माझ्या पक्षाचे पदाधिकारी, कार्यकर्ते व माझ्यावर निस्सीम प्रेम करणाऱ्या माझ्या सहकाऱ्यांचे मनापासून आभार !!
धन्यवाद! @BJP4Maharashtra @BJP4India #JanAshirwadYatra— Narayan Rane (@MeNarayanRane) August 25, 2021
‘कालच्या प्रसंगामध्ये माझ्या पाठीशी खंबीरपणे उभे राहणारे माझ्या पक्षाचे पदाधिकारी, कार्यकर्ते व माझ्यावर निस्सीम प्रेम करणाऱ्या माझ्या सहकाऱ्यांचे मनापासून आभार’ अशा आशयाचे ट्वीट करत त्यांनी त्यांना सहकार्य करणाऱ्यांचे आभार मानले आहेत.
दरम्यान मंत्री राणे यांची सायंकाळी ४ वाजता पत्रकार परिषद होणार आहे. आता यामध्ये ते काय बोलतात यावर सर्वांचे लक्ष लागून आहे.
महत्त्वाच्या बातम्या
- सर्व गुन्हे रद्द करण्यासाठी नारायण राणे हायकोर्टाची पायरी चढणार
- ‘अशा धमक्यांना मी घाबरत नाही, जशास तसं उत्तर देईन!’- प्रसाद लाड
- अनिल परब यांच्याविरोधात भाजप कोर्टात जाणार; चंद्रकांत पाटलांचा इशारा
- ‘भविष्यात पुन्हा असे बोलणार नाही’, नारायण राणेंची कोर्टात ग्वाही
- ‘नारायण राणेंच्या घरात घुसून कोथळा बाहेर काढतो’; शिवसेनेच्या आमदाराची धमकी
