🕒 1 min read
मुंबई: राज्यात पुन्हा एकदा कोरोना झपाट्याने पसरत आहे. तसेच गेल्या काही दिवसांपासून अनेक बड्या नेत्यांना देखील कोरोनाची लागण झाली आहे. त्यामुळे राज्यातील परिस्थिती चिंताजनक झाली आहे. त्यामुळे यावर आवश्यक ते सर्व उपाययोजना राज्य सरकार तसेच स्थानीक प्रशासन करताना दिसत आहे. मात्र आता यावरही भाजप नेते किरीट सोमय्या यांनी ठाकरे सरकारवर टीका केली आहे.
भाजप नेते किरीट सोमय्या महाविकास आघाडी सरकारवर टीका करण्याची एकही संधी सोडत नाहीत. आता कोविड सेंटरवरुन भाजपचे नेते किरीट सोमय्या (Kirit Somaiya) यांनी मुख्यमंत्री उद्धव ठाकरे (Uddhav Thackeray) यांना इशारा दिला आहे. येत्या दहा दिवसांत ठाकरे सरकारचा कोविड सेंटर घोटाळा बाहेर काढणार असल्याचा दावा भाजप नेते किरीट सोमय्या यांनी केला आहे.
किरीट सोमय्या आज माध्यमांशी बोलत होते. यावेळी सोमय्या म्हणाले, मुंबईत कोरोनाचा रुग्णसंख्येचा आकडा जरी वाढला असला तरी कोविड सेंटर्स रिकामे पडले आहेत. याचा अर्थ ९८ टक्के रुग्ण आहे आपल्या घरी किंवा नर्सिंग होममध्ये बरे होतात. ज्यांचे लसीकरण झाले त्यातील ९९.९९ टक्के लोक हे सुरक्षित आहेत, सत्ताधारी नेते आणि काही आयएएस अधिकारी यांच्यासाठी कोविड सेंटर हे कमाईचे साधन बनले आहे. येत्या दहा दिवसात ठाकरे सरकारचा कोविड सेंटर घोटाळा प्रसिद्ध करेन, असा इशारा सोमय्या यांनी दिला.
महत्वाच्या बातम्या:
- भाजप नेते गिरीश महाजन यांनाही कोरोनाची लागण
- “भित्रा व्यक्ती देशाचं नेतृत्व करु शकत नाही”, काँग्रेसचा मोदींना अप्रत्यक्ष टोला
- किरीट सोमय्यांच्या आरोपांवर पेडणेकरांचे उत्तर; म्हणाल्या,’खुर्चीत गांजा मारून…’
- “महाराष्ट्राचे पोलीस सक्षम, कुठलाही हमला होऊ शकत नाहीत”, पटोलेंनी दिली ‘त्या’ घटनेवर प्रतिक्रिया
- ‘त्या’ चर्चेवर पटोलेंनी दिली प्रतिक्रिया; म्हणाले, …त्यात गैर काय?
बातम्यांसाठी YouTube चॅनेल Subscribe करा
Subscribe Now
