‘स्वाभिमानी’ शेतकरी नाही तर राजकीय संघटना; एल्गार ऊस परिषदेतून राजू शेट्टींवर आरोप

🕒 1 min read

कोल्हापूर : येथील शिरोळमध्ये छत्रपती शिवाजी महाराज तक्त्यात आंदोलन अंकुश, जय शिवराय शेतकरी संघटना व बळिराजा शेतकरी संघटनेच्या वतीने पाचवी एल्गार ऊस परिषद घेण्यात आली. यावेळी चालू हंगामात कारखान्यांनी ऊस उत्पादकांना एफआरपीनुसार देण्यात येणारी रक्कम पाचशे रुपये वाढवून द्यावेत. गळित हंगाम संपल्यानंतर उर्वरित ५०० रुपये न दिल्यास कायदेशीर लढाईने ऊस उत्पादकांना पाचशे रुपये मिळवून देऊ, असे धनाजी चुडमुंगे म्हणाले. यावेळी दीपक पाटील यांनी माजी खासदार राजू शेट्टी यांच्यावर टीका केली. स्वाभिमानी शेतकरी संघटना ही शेतकरी संघटना न राहता राजकीय संघटना बनल्याचा आरोप यावेळी त्यांनी केला.

यावेळी धनाजी चुडमुंगे, शिवाजी माने, बी. जी. पाटील, दीपक पाटील यांनी मनोगत व्यक्त करताना माजी खासदार राजू शेट्टी यांच्यावर प्रचंड टीका केली. स्वाभिमानी शेतकरी संघटना ही शेतकरी संघटना न राहता राजकीय संघटना बनली आहे. असा आरोपही करण्यात आला आहे. यावेळी धनाजी चुडमुंगे म्हणाले, गेल्यावर्षी गाळप केलेल्या उसास एफआरपीची रक्कम अधिक दोनशे रुपये, कायदेशीर लढाई केल्यास मिळणार आहेत. मात्र यासाठी शेतकऱ्यांचे कैवारी म्हणवून घेणाऱ्या नेत्याने कोणताही आवाज उठवला नाही.

जिल्ह्यातील साखर कारखाने एफआरपीची रक्कम एकरकमी देण्यास तयार आहेत, हे यश आंदोलन अंकुशने केलेल्या कायदेशीर लढाईमुळे शक्य झाले आहे. एकरकमी रक्कम १४ दिवसांत न दिल्यास पंधरा टक्के व्याज द्यावे लागणार आहे. यामुळेच कारखाने एकरकमी एफआरपीची रक्कम देत आहेत. भविष्यात नीती आयोगाचे अंमलबजावणी करण्यासाठी कायदेशीर लढाई लढणार असल्याचेही त्यांनी सांगितले.

महत्वाच्या बातम्या

• मुख्यमंत्री सावरकरवादीच, कोणी सूर्यावर थुंकण्याचा प्रयत्न केला तर…- संजय राऊत
• २०२० मध्ये पाठवली नोटिस; अन २०२१ मध्ये पाडले दिवाण देवडीतील ते ‘अनधिकृत’ बांधकाम!
• सोशल मीडियावरील काँग्रेसचे समर्थक दहा पट वाढवायचे आहे-मुत्तेमवार
• ‘४७ हजार शेतकऱ्यांच्या आत्महत्या नव्हे, त्या हत्याच!’
• ‘आयुक्त पांडेय यांच्या बेकायदेशीर घरांवर बुलडोझर चालवण्याच्या निर्णयास तत्काळ स्थगिती द्या’, मुख्यमंत्र्यांकडे मागणी