बुलडाणा : लग्न म्हटलं की विश्वासाच्या नात्यातून दोन परिवार एकत्र येतात अन पती पत्नीच्या संसाराची सुरुवात होऊन दोघेही सुखी संसाराची स्वप्न रंगवतात. अशात याच नात्याचा विश्वासघात झाल्याची घटना घडली तर ती असह्य होते. असाच एक प्रकार मलकापूरमध्ये घडलाय.
लॉकडाऊनमुळे मंदिरातच एकमेकांच्या गळ्यात माळा घालून लग्न लागले. त्यानंतर सर्वजण आनंदाने घरी परतले. मात्र, सायंकाळी शौचाला जाते असं म्हणत बरोबर आलेल्या करवलीसोबत नवऱ्या मुलीने पलायन केले. एखाद्या चित्रपटाच्या कथानकात घडणारा हा प्रकार २७ एप्रिल रोजी मलकापूर तालुक्यातील नरवेल येथे घडला. यामुळे प्रचंड मानसिक धक्का बसलेल्या नवरदेवाने व त्यांच्या कुटुंबीयांनी पोलिसांत तक्रार दाखल केली आहे.
काही दलालांनी तर लुबाडणूकही करायची आणि लग्नाचे नाटक करून नवरीला फरार करण्याचे उद्योगही सुरू केले असल्याचे या घटनेवरून दिसून येत आहे. येथील एक युवक त्याच्या कुटुंबीयांना दलालाने उपवर मुलगी दाखविली. तातडीने लग्नाची तारीखही ठरविण्यात आली. २७ एप्रिल रोजी गावापासून काही अंतरावरील मंदिरात मोजक्या लोकांच्या उपस्थितीत लग्नसोहळा उरकला.
वर-वधुने एकमेकांच्या गळ्यात माळा घातल्या. यानंतर सर्वजण आनंदाने घरी परतले. नवरी सोबत एक महिला करवली म्हणून आली होती. मात्र, संध्याकाळी सात वाजता नवरी व सोबतची महिला शौचास जाण्याच्या बहाण्याने फरार झाली. या प्रकाराने नवरदेव आणि त्याच्या कुटुंबीयांना प्रचंड आर्थिक व मानसिक त्रास सोसावा लागला.
महत्वाच्या बातम्या
- चक्क पोलीस अधिकाऱ्याच्या घरी चोरी, सव्वा लाखांचा ऐवज लंपास
- ‘कोरोनाच्या दुसऱ्या लाटेला आपणच जबाबदार’, मंत्री हसन मुश्रीफ यांचे वक्तव्य
- मैत्रीच्या नात्याला काळिमा! फोटो डिलिट करण्याच्या बहाण्याने बोलावून मित्राच्या पत्नीवर अत्याचार
- धक्कादायक! रुग्णालय कर्मचाऱ्यांनी कोरोना बळीच्या खिशातील पैसे काढले, पाच जणांवर गुन्हा
- करावे काय? आर्थिक उत्पन्न नाही, कर्ज घ्यावे तर चारपट व्याजदर
