अकोला : अकोल्यात चोरट्यांनी थेट पोलिसांनाच आव्हान दिले आहे. कौलखेड येथील खेतान नगरमधील रहिवासी पोलीस उपनिरीक्षक हे कुटुंबासह पातूर येथे गेले होते. घरी कोणी नसल्याची संधी साधत दाराची कडी तोडून चोरट्यांनी घरात प्रवेश केला आणि दागदागिने लंपास केले. या प्रकारामुळे परिसरात चांगलीच चर्चा होत आहे.
मिळालेल्या माहितीनूसार, गणेश जानकीराम कोथळकर हे मंगरूळपीर(जि.वाशीम) पोलीस ठाण्यात पोलीस उपनिरीक्षक म्हणून कार्यरत आहेत. ते रजेवर असल्याने घरीच आहेत. २४ एप्रिलला दुपारच्या सुमारास घराला कुलूप लावून ते कुटुंबासह मुळ गावी पातूर येथे गेले होते. २८ एप्रिलला दुपारी एक वाजता ते घरी परतले असता त्यांना ग्रील गेटचे कुलूप कोंडा तुटलेला दिसला.
घरात जावून पाहतात तर बेडरुममधील लाकडी कपाट उघडे दिसले व त्यातील सामान पलंगावर अस्ताव्यस्त पडलेले दिसून आले. त्यांच्या कपाटातील सोन्याचे दागिने ज्यामध्ये पाच ग्रॅम सोन्याची अंगठी, राणीहार २६ ग्रॅम, पाच हजार रुपये किमतींची घड्याळ, असा १ लाख १९ हजार ५०० रुपयांचा मुद्देमाल चोरट्यांनी चोरून नेला. याप्रकरणी कोथळकर यांच्या तक्रारीवरून खदान पोलिसांनी आरोपीविरुद्ध गुन्हा दाखल केला आहे.
महत्वाच्या बातम्या
- ‘कोरोनाच्या दुसऱ्या लाटेला आपणच जबाबदार’, मंत्री हसन मुश्रीफ यांचे वक्तव्य
- मैत्रीच्या नात्याला काळिमा! फोटो डिलिट करण्याच्या बहाण्याने बोलावून मित्राच्या पत्नीवर अत्याचार
- धक्कादायक! रुग्णालय कर्मचाऱ्यांनी कोरोना बळीच्या खिशातील पैसे काढले, पाच जणांवर गुन्हा
- करावे काय? आर्थिक उत्पन्न नाही, कर्ज घ्यावे तर चारपट व्याजदर
- ‘कोरोना रोखण्यास योगी सरकार अपयशी’, भाजप आमदाराकडून घरचा आहेर
