औरंगाबाद पेट लव्हर्स असोसिएशनचा यशस्वी पुढाकार; पाच हजार मोकाट श्वानांचे मोफत लसीकरण!

🕒 1 min read

औरंगाबाद: कुत्रा हा सामाजिक प्राणी आहे. मानवी वस्तीमध्ये राहत असलेल्या या प्राण्याला केवळ द्वेष करून संपविणे हा त्यावरील उपाय नाही तर त्याचे आणि आपले सहजीवन सुकर करणे यासाठी प्रयत्न करणे प्रत्येक नागरिकाचे कर्तव्य आहे. गेल्या तीन वर्षांपासून शहरातील मोकाट श्वान आणि नागरिक यांच्यात समतोल राखण्यात औरंगाबाद पेट लव्हर्स असोसिएशन (APLA) यशस्वी झाली आहे. लोकांमध्ये अखंड जनजागृती करून आज शहरातील मोकाट श्वान दंशाचे प्रमाण अत्यल्प झाले असून पाच हजारांहून अधिक मोकाट श्वानांना मोफत लसीकरण करून शहर रेबीज मुक्त करण्यात हातभार लावला आहे.

शहरातील मोकाट श्वानांच्या वाढत्या संख्येला आळा बसविण्यासाठी प्राणीमित्रांच्या मदतीने शहरातील पाच हजार श्वानांचे निर्बीजीकरण करून घेण्यात आले. मोकाट श्वानांना जडणारा त्वचाविकार ही एक गंभीर समस्या असून या समस्ये चे निवारण करण्यासाठी APLA तर्फे मोफत औषधोपचार आणि इलाज केल्या जाते. शाळांमधून कार्यशाळा घेवून श्वान आक्रमक का होतात, श्वान दशानंतर प्रथमोपचार आणि नंतर घेण्यात येणारी काळजी याबाबत मुलांना मार्गदर्शन केले जाते.

पशुवैद्यक डॉक्टरांच्या मार्गदर्शनाखाली शहरातील जखमी, आजारी श्वानांवर त्वरित इलाज करून प्राणीमित्रांना औषधी किटचे वितरण करते. दत्तक घेतलेल्या भारतीय प्रजातीच्या श्वानांना मोफत लस,औषधे आणि अन्न पुरविल्या जाते. ही संस्था शहरातील मोकाट श्वानांसाठी अन्न, जलकुंड याची व्यवस्था सतत बघत असते. प्रत्येक सजीवाला जगण्याचा हक्क आहे त्यासाठी समस्येचे निराकरण करणे गरजेचे आहे. संस्थेच्या संचालिका बेरील सांचिस यांनी नागरिकांना आवाहन केले आहे.

महत्वाच्या बातम्या:

• अनिल देशमुखांचा मोठा खुलासा; म्हणाले, “अनिल परब द्यायचे पोलीस बदल्यांची यादी”
• समय बडा बलवान है  इंसान खामोखा गुरूर करता है|
• भारतीय क्रिकेट नियामक मंडळ खेळवणार डे अँड नाईट टेस्ट
• ‘तीन कोटी गरीब लखपती झाले’; अर्थसंकल्पानंतर मोदींचे वक्तव्य
• मोदी सरकार महिला विरोधी असल्याचे यंदाच्या अर्थसंकल्पातून पुन्हा सिद्ध झाले; महिला काँग्रेसची टिका!