साखर कारखानदारांविरोधात छावाचे जोरदार आंदोलन; संचालकांना ‘ऊस’ भेट!

🕒 1 min read

औरंगाबाद : खुलताबाद येथील घृष्णेश्वर साखर कारखान्याने शेतकऱ्यांना एफआरपी प्रमाणे उसाचे वाढीव पेमेंट न देता शेतकऱ्यांची फसवणूक केली असल्याचा आरोप करत अखिल भारतीय छावा संघटनेने केला आहे. २०१६ ते २०१९ पर्यंतच्या कालावधीत उस उत्पादक शेतकऱ्यांना व्याजासह पैसे देण्यात यावे अशी मागणी साखर आयुक्तांकडे करण्यात आली होती. मात्र साखर आयुक्तांनी याबाबत कुठलीही कारवाई केलेली नाही. या पार्श्वभूमीवर आयुक्तांच्या विरोधात अखिल भारतीय छावा मराठा युवा संघटनेच्या वतीने क्रांतीदिनी सोमवारी (दि.९) पुणे येथील साखर आयुक्त कार्यालयासमोर जोरदार आंदोलन करण्यात आले.

शेतकरी व छावाच्या कार्यकर्त्यांनी छावा संघटनेचे औरंगाबाद जिल्हाध्यक्ष किशोर शिरवत पाटील यांंच्या नेतृत्वाखाली जोरदार आंदोलन करत साखर आयुक्त व कारखानदारां विरोधात निषेध व्यक्त केला. यावेळी साखर आयुक्त संचालक मुकणे व सहसंचालक राजेश सुरवसे यांना निवेदन देऊन त्यांना ऊस भेट देण्यात आला. घृष्णेश्वर कारखान्याने इतर कारखाने ऊसाला देतील त्याच भावाप्रमाणे  शेतकऱ्यांना उसाचे पेमेंट देऊ असा शब्द शेतकऱ्यांना दिला होता.

मात्र कारखान्याने दिलेला शब्द न पाळल्यामुळे शेतकऱ्यांच्या हितासाठी कारखाना प्रशासनाच्या विरोधात छावा संघटनेने वेळोवेळी पुढाकार घेऊन अनेक वेळा निवेदने, आंदोलन करुनही घृष्णेश्वर कारखान्याने यासंदर्भात कुठलीच दखल घेतली नाही. साखर नियंत्रण आदेश १९५६ अधिनियमानुसार कोणत्याही साखर कारखान्यांनी शेतकऱ्यांच्या एफ आर. पी. ची रक्कम ऊस कारखान्यात पोहच केल्यापासुन किमान १४ दिवसाच्या आत मध्ये एफ.आर.पी. रक्कम देणे बंधनकारक आहे.

साखर आयुक्त कार्यालयातील अर्थ विभागाने अशा कारखानदारांवर तात्काळ चौकशी समिती नेमुन कारवाई करावी या विषयी छावा संघटनेचे शिष्टमंडळ, कारखानदार व साखर आयुक्त यांंच्यात एक संयुक्त बैठक घेऊन मागण्या मान्य करण्यात येईल असे सांगितले आहे. यापुढे कारवाई झाली नाही तर प्रशासनाविरोधात तीव्र आंदोलन करण्यात येईल असा इशारा यावेळी देण्यात आला

महत्त्वाच्या बातम्या

• दुसऱ्या बाळाच्या नावावरून करीना कपूर सोशल मीडियावर ट्रोल
• ‘स्वबळा’च्या घोषणेनंतर आणि प्रदेशाध्यक्ष पदाची सूत्रे घेतल्यानंतर नाना पटोले प्रथमच औरंगाबादेत!
• संत-महंतांच्या भूमीत या सरकारने संस्कृती आणि परंपरेचा सत्यानाश केलाय – चंद्रकांत पाटील
• ‘लोकउपयोगी कामे केली म्हणून गुन्हा माफ होत नाही’ ; चंद्रकांत पाटलांचा मुख्यमंत्र्यांना टोला
• प्रवाशांना दिलासा! नांदेड-श्रीगंगानगर एक्स्प्रेस पुन्हा धावणार