‘अजब सरकारच्या काळातील अजब घोटाळे आता उघडकीस येतायत’

🕒 1 min read

मुंबई : राज्याचे मुख्यमंत्री उद्धव ठाकरे यांनी सही केलेल्या एका फायलीसोबत छेडछाड केल्याचा धक्कादायक प्रकार समोर आला आहे. मुख्यमंत्र्यांनी शेरा दिल्यानंतर तो बदलण्यात आल्याचा प्रकार समोर आला आहे. हे प्रकरण गंभीर असून मरीन ड्राइव्ह पोलीस स्टेशनमध्ये फसवणुकीचा गुन्हा दाखल करण्यात आला आहे.

ही बाब उघडकीस आल्यानंतर भाजप नेत्यांनी सरकारच्या कारभारावर ताशेरे ओढले आहेत. भाजप नेते आणि आमदार ऍड. आशिष शेलार यांनी देखील महाविकास आघाडीवर निशाणा साधला आहे. ‘महाराष्ट्रात अजब युती होऊन अजब सरकार सत्तेत आले आणि या अजब सरकारच्या काळातील अजब घोटाळेही उघड होऊ लागलेत’ असा टोला आशिष शेलार यांनी महाविकास आघाडीला लगावला आहे.

पुढे ते म्हणाले, ‘ठाकरे सरकारमध्ये फाईल घोटाळा झाला असून मुख्यमंत्र्यांची स्वाक्षरी झाल्यानंतर त्यावरील शेरा बदलण्यात आला. याबाबत विधानसभेत मागणी केल्यानंतर आता फौजदारी कारवाई सुरु झालीये,’ अशी माहिती देखील शेलारांनी दिली आहे.

महाराष्ट्रात अजब युती होऊन अजब सरकार सत्तेत आले आणि या अजब सरकारच्या काळातील अजब घोटाळेही उघड होऊ लागलेत…ठाकरे सरकारमध्ये फाईल घोटाळा झाला असून मुख्यमंत्र्यांची स्वाक्षरी झाल्यानंतर त्यावरील शेरा बदलण्यात आला. याबाबत विधानसभेत मागणी केल्यानंतर आता फौजदारी कारवाई सुरु झालेय.

— Adv. Ashish Shelar – ॲड. आशिष शेलार (@ShelarAshish) January 24, 2021

काय आहे हे प्रकरण ?

टाइम्स ऑफ इंडिया या इंग्रजी वृत्तपत्राने दिलेल्या वृत्तानुसार, सार्वजनिक बांधकाम विभागातील वरिष्ठ अभियंत्यांच्या विरोधात विभागीय चौकशीचे आदेश दिले होते. त्यावर मुख्यमंत्री उद्धव ठाकरे यांनी शेरा देऊन सही केली होती. परंतु, या फायलीवर ज्या ठिकाणी उद्धव ठाकरे यांनी सही केली होती, त्याच्या वरील मोकळ्या भागात लाल रंगाच्या पेनाने नवीन शेरा लिहण्यात आला होता. चौकशीनंतर ही फाईल बंद करावी, असा तो शेरा होता. यासंदर्भात पोलीस ठाण्यात तक्रार देखील दाखल केली आहे.

महत्वाच्या बातम्या

• …अन्यथा मराठा विद्यार्थ्यांसोबत विरोधी पक्षनेते उपोषणाला बसणार !
• कोरोना पूर्ण जात नाही तोपर्यंत परीक्षा ऑनलाइनच घेतल्या जातील – उदय सामंत
• अगस्तीतील शुक्राचार्य कोण ओळखा अन्‌ त्यांना बाजूला करा; शरद पवारांची पिचडांवर टीका
• गोपीनाथ मुंडें नंतर ओबीसी समाजाची धुरा आता भुजबळ साहेबांकडे : वडेट्टीवार
• गंभीर ! मुख्यमंत्री उद्धव ठाकरेंच्या सहीनंतर मंत्रालयातील ‘त्या’ फायलीचा शेराच बदलला !