स्वबळाचा नारा दिल्याने काँग्रेसमधील बैठकांना वेग, औरंगाबादला नवी जबाबदारी मिळण्याची शक्यता

🕒 1 min read

मुंबई : काँग्रेस प्रदेश अध्यक्ष नाना पटोले यांनी आधीच आगामी निवडणुका स्वबळावर लढवणार असल्याचा नारा दिला होता. मात्र, दिल्लीत राहुल गांधी यांच्या भेटीनंतर त्यांनी आगामी सर्व स्थानिक स्वराज्य संस्था निवडणुका स्वबळावर लढवणार असल्याचे जाहीर केले आहे. त्यामुळे औरंगाबाद जिल्हा काँग्रेस चांगलीच कामाला लागली आहे. आगामी महानगर पालिका निवडणुकीचा विचार करता काँग्रेसचे संपर्कमंत्री अमित देशमुख यांनी काँग्रेसच्या प्रमुख पदाधिकाऱ्यांची मुंबईत बैठक घेतली. या बैठकीनंतर औरंगाबाद जिल्ह्यातील काँग्रेस पदाधिकाऱ्यावर नवी जबाबदारी येण्याची चर्चा सुरू झालीय.

काँग्रेसच्या बैठकीत केवळ जिल्ह्यातील प्रश्न आणि विकास कामांवर चर्चा झाली असल्याचे जिल्हाध्यक्ष डॉ. कल्याण काळे यांनी ‘महाराष्ट्र देशा’शी बोलताना सांगितले आहे. असे असले तरी महाविकास आघाडीतील तिन्ही पक्ष लवकरात लवकर महामंडळे आणि इतर महत्त्वाच्या नियुक्त्या पूर्ण करण्याची तयारी करत आहे. त्यामुळे औरंगाबाद जिल्ह्यातील काँग्रेसच्या पदाधिकाऱ्याला यातील मोठी जबाबदारी मिळण्याची शक्यता वर्तवली जात आहे.

आज औरंगाबाद जिल्ह्यातील काँग्रेस पक्षाच्या प्रमुख पदाधिकाऱ्यांची मुंबईत बैठक घेऊन जिल्ह्यातील विविध विकास कामांचा आढावा घेतला,त्यासंदर्भातील अडचणी समजून घेतल्या,त्या सोडवण्यासाठी संबंधित विभागाकडे पाठपुरावा करण्यात येईल अशी ग्वाही यावेळी दिली.
@HKPatil1953 @NANA_PATOLE pic.twitter.com/qekO5ZHkqv

— Amit V. Deshmukh (@AmitV_Deshmukh) July 27, 2021

औरंगाबाद महानगर पालिका निवडणुकीमध्ये भाजपकडे आता केंद्रीय राज्यमंत्री पद तर शिवसेनेकडे राज्यातील दोन मंत्री पदे आहेत. अशा परिस्थितीत प्रचारात आघाडी घेण्यासाठी औरंगाबाद काँग्रेसमधील एखाद्या नेत्याला महत्त्वाचे महामंडळ दिले जावू शकते. त्या दृष्ट्रीने अमित देशमुख यांनी मुंबईत घेतलेल्या बैठकीकडे पाहिले जात आहे.

महत्त्वाच्या बातम्या

• पुणे शहराच्या कोरोना रुग्णसंख्येत वाढ, तर कोरोनामुक्तांची संख्या देखील अधिक
• औरंगाबाद-अहमदनगर रेल्वेमार्गाचे होणार सर्वेक्षण, रेल्वेमंत्री पीयूष गोयल यांची पत्राद्वारे खा. जलील यांना माहिती!
• ममता बॅनर्जी यांनी घेतली पंतप्रधान नरेंद्र मोदींची भेट
• कोरोनाचे संकट संपल्यानंतर वेरुळ महोत्सवाचे नियोजन करण्यावर लक्ष, अमित देशमुख यांचे आश्वासन
• उद्धव ठाकरेंना शुभेच्छा देणं पंतप्रधान मोदींना जमलं मात्र मित्र पक्षाच्या राहुल गांधींना का नाही जमलं ?