सोनू सूद आयएएसची तयारी करणार्‍यांना विद्यार्थ्यांना देणार मोफत कोचिंग सेवा

🕒 1 min read

मुंबई : कोरोना विषाणूच्या वाढत्या संक्रमणामुळे देशभरातील लोकांचं जनजीवन विस्कळीत झालं आहे. लॉकडाऊन दरम्यान अनेक हातावर पोट असणाऱ्या लोकांवर मोठ संकट ओढावले होत. लाखो लोक बेरोजगार झाले आहेत. अशा प्रतिकूल परिस्थितीत अनेकांनी गरजूंना मदत करण्याचे कार्य केले. अशीच मदतीचा हात अभिनेता सोनू सूदने पुढे केला. शेकडो मजुरांना त्यांच्या घरी पोहोचवलं, अनेकांना रोजगार मिळवून दिला. गरीब विद्यार्थांना शिक्षणासाठी आर्थिक मदत केली. त्याच्या या दानशुरपणाची सर्वत्र स्तुती होत आहे.

कोरोनाच्या लॉकडाऊनपासून बॉलिवूड अभिनेता सोनू सूद सामान्य नागरिकांमध्ये चांगला प्रसिद्ध झाला. त्याने या जीवघेण्या काळात अनेकांना मदत केली. बॉलिवूडचा हा पॉप्यूलर स्टार सगळ्यांच्याच मदतीला धावून जात असतो. आताही त्याने असंच अनोखं काम केलं आहे. आता त्याने आयएएसची तयारी करणाऱ्या विद्यार्थ्यांना मोफत प्रशिक्षण देण्याचा निर्णय घेतलाय. यासाठी त्याने ‘संभवम’ या एक शिष्यवृत्ती योजना देखील लाँच केली आहे.

Karni hai IAS ki tayyari ✍️
Hum lenge aapki zimmedari ????????

Thrilled to announce the launch of 'SAMBHAVAM'.
A @SoodFoundation & @diyanewdelhi initiative.

Details on https://t.co/YO6UJqRIR5 pic.twitter.com/NvFgpL1Llj

— sonu sood (@SonuSood) June 11, 2021

ही माहिती देत सोनू सूदने ट्विट करत लिहिले की, ‘आयएएसची तयारी करायची असेल तर,आम्ही तुमची जबाबदारी घेऊ. ‘संभवम’ च्या लाँचिंगची घोषणा करताना खूप आनंद होतो आहे. सूद चॅरिटी फाउंडेशन आणि दिया दिल्ली हा यांचा संयुक्त उपक्रम आहे.’ या ट्विटसोबतच सोनू सूदने एक फोटो शेअर केला आहे. या फोटोमध्ये मोफत प्रशिक्षणाबाबत सविस्तर माहिती देण्यात आलीय. या फोटोमध्ये ‘इच्छुक उमेदवारांसाठी मोफत आयएएस प्रशिक्षण शिष्यवृत्ती देईल, असं मी तुम्हाला वचन देतो,’ असे लिहिले आहे.

सोनू सूदच्या उपक्रमाचा लाभ घेण्यासाठी सुरवातीला एक अर्ज भरावा लागणार आहे. http://www.soodcharityfoundation.org/ या त्यांच्या अधिकृत वेबसाईटवर हा अर्ज उपलब्ध आहे. अर्ज करण्यासाठी अंतिम तारीख ३० जून आहे.

महत्त्वाच्या बातम्या

• आजपासून फास्ट टॅग नसेल तर डबल टोल भरावा लागणार
• सर्वसामान्य मुली यापुढे पुढाऱ्यांनी केलेल्या अन्यायाविरोधात आवाज बुलंद करण्याची हिम्मत करतील का ?
• ‘२२ वर्षीय विद्यार्थिनी देशासाठी धोका असेल तर देश कमकुवत मुल्यांवर उभा आहे.’
• मोठी बातमी: गृहिणींच बजेट कोलमडणार; घरगुती एलपीजी सिलेंडरची दरवाढ
• तिसऱ्या कसोटीत प्रेक्षकांना स्टेडियममध्ये उपस्थित राहता येणार, तिकीट विक्रीला सुरुवात