आसले गावचे सुपुत्र सोमनाथ मांढरे यांना लडाखमध्ये वीरमरण

🕒 1 min read

वाई (सातारा) : सातारा जिल्ह्यातील वाई तालुक्यातील आसले सुपुत्र जवान सोमनाथ मांढरे यांना लडाखमध्ये वीरमरण आले आहे. लडाख येथे काल पहाटेपासून त्यांची नेमणूक होती. यावेळी हवामानातील बदलामुळे त्यांना श्वास घेण्यास त्रास जाणवायला लागला. त्यानंतर ते बेशुद्ध झाले. त्यामुळे त्यांना त्वरित नजीकच्या लष्करी रुग्णालयात उपचारासाठी दाखल करण्यात आले. मात्र, उपचारादरम्यान मांढरे यांचे निधन झाले.

घटनेची माहिती शनिवारी(१८ सप्टें.)सायंकाळी वाईचे तहसीलदार रणजीत भोसले यांना मिळाली. त्यांनी लगेच ही दुःखद बातमी आसले येथील मांढरे यांचे भाऊ महेश मांढरे यांना कळवली. सोमनाथ मांढरे यांना वीरमरण आल्याने सर्वत्र हळहळ व्यक्त केली जात आहे.

दरम्यान, मांढरे यांच्या पश्चात्त त्यांची पत्नी आणि आठ वर्षाचा मुलगा व फक्त दहा महिन्याची मुलगी व लहान भाऊ असा परिवार आहे. तसेच मांढरे पार्थिव उद्या पहाटे दिल्ली येथे पोहोचेल. त्यानंतर संध्याकाळपर्यंत ते आसले या मूळ गावी नेण्यात येईल. तद्पश्चात त्यांच्यावर शासकीय इतमामात येथे अंत्यसंस्कार करण्यात येणार आहेत.

महत्त्वाच्या बातम्या

• ‘परिवहन मंत्र्यांच्या महामंडळातील सचिन वाझे कोण’?, भाजपचा सवाल
• मुख्यमंत्रिपदासाठी सोनिया गांधींकडून अंबिका सोनींना हिरवा कंदिल; मात्र आता सोनींचाच नकार
• ..म्हणून ‘माजी’ म्हणू नका; चंद्रकांत पाटलांनी केला ‘त्या’ वक्तव्याचा खुलासा
• ‘मुख्यमंत्रीपदाचा राजीनामा दिल्यानंतर सोनिया गांधी मला सॉरी म्हणाल्या’, कॅप्टन अमरिंदर यांचा दावा
• भाजपचे लोक एक दिवस मराठी माणसालाच मुंबईतला परप्रांतीय ठरवतील- संजय राऊत