‘परिवहन मंत्र्यांच्या महामंडळातील सचिन वाझे कोण’?, भाजपचा सवाल

सोलापूर : सामाजिक माध्यमांशी संवाद साधतांना भाजप आमदार गोपीचंद पडळकर यांनी ठाकरे सरकारवर टीकास्त्रांचा प्रहार करत तुटपुंजा पगार आणि तोही वेळेत होत नसल्याने एसटी कर्मचाऱ्यांवर आत्महत्येची वेळ आली आहे. त्यातच महामंडळाला आवश्यक नसलेल्या गोष्टींसाठी टेंडर काढली जात आहेत. हे कुणाच्या टक्केवारीसाठी चाललं आहे? असा सवाल करतानाच परिवहन मंत्र्यांच्या महामंडळाताली सचिन वाझे कोण?, असा सवाल केला आहे.

माध्यमांशी संवाद साधतांना पडळकर म्हणाले की,’मोठ्या विश्वासाने महाराष्ट्रातील प्रवासी एसटीने प्रवास करतो. परंतुआपल्या त्यागाने आणि सेवेने एसटी महामंडळला मोठे करणाऱ्या मराठी कर्मचाऱ्यांवरच आत्महत्येची ही वेळ यावी ही राग आणि अपमान वाटणारी गोष्ट आहे. एकतर तुटपुंजा पगार. त्याचाही वेळेवर पत्ता नाही. ठाकरे सरकार सत्तेत येऊन दोन वर्ष उलटत आली पण कर्मचाऱ्यांचे वेतन करारअजून झाले नाहीत’ असे म्हणत पाडळकरांनी ठाकरे सरकारवर टोलेबाजी केली आहे. तसेच महामंडळाला आवश्यकता नसणाऱ्या गोष्टींसाठी हजारो कोटींचे टेंडर काढ़ून खाजगी कंत्राटदारांची संपूर्ण देणी दिली जाते. पण कर्मचाऱ्यांचे मूलभूत पगार दिले जात नाहीत. हे सर्व कुणाच्या टक्केवारीसाठी चाललंय? परिवहन मंत्र्यांच्या महामंडळातला सचिन वाझे कोण?, असा प्रश्न करतानाच या सर्वांविरोधात ज्या युनियने आवाज उठवायला पाहिजे तेच आज प्रस्थापितांच्या तालावर नाचत आहेत, असेही ते म्हणाले.

दरम्यान, धुळे जिल्ह्यातील साक्री येथे एसटी महामंडळात कमलेश बेडसे काही दिवसांपासून मानसिक तणावातून जात होते. तसेच त्यांच्यावरील कर्ज वाढल्याने ते नैराश्यात गेले होते. शेवटी तुटपुंज्या पगारामुळे घरातील आर्थिक स्थिती खालावत गेल्यामुळे त्यांनी २७ ऑगस्ट रोजी त्यांनी आत्महत्या केली. त्यांच्या आत्महत्येनंतर राज्य परिवहन महामंडळाच्या कर्मचाऱ्यांनी तीव्र आक्रोश व्यक्त केला आहे.

महत्त्वाच्या बातम्या

• ‘आतापर्यंत झाला तो अपमान बस झाला, यापुढे असा अपमान सहन करत काँग्रेसमध्ये राहू शकत नाही’
• वेळ गेलेली नाही, अजूनही शिवसेना-भाजपची युती होऊ शकते; आठवलेंना विश्वास
• ‘पवारांवर जनताच नाराज; त्यामुळे उद्धव ठाकरेंवर नाराजी व्यक्त करण्याचा त्यांना अधिकार नाही’
• ‘२०२४ च्या निवडणुकीनंतर शिवसेना वर्गणी जमा करण्यापूर्ती पण राहणार नाही’
• बाप्पा चालले गावाला… श्रीमंत दगडूशेठ बाप्पाचे विसर्जन उद्या ‘या’ वेळी होणार