मुंबई : श्रीलंकेविरुद्धचा दौरा सुरू होण्यापूर्वीच ऑस्ट्रेलियन संघाला मोठा धक्का बसला आहे. ऑस्ट्रेलियाचा वेगवान गोलंदाज शॉन अॅबॉट टी-२० मालिकेतून बाहेर झाला आहे. बोटाला दुखापत झाल्याने त्याला मायदेशात परतावे लागणार आहे. त्यांच्याशिवाय पीटर हँड्सकॉम्बही ऑस्ट्रेलियाला परतणार आहे. ऑस्ट्रेलियाचा संघ ७ जून रोजी श्रीलंकेविरुद्ध पहिला कसोटी सामना खेळेल.
बोट तुटल्यामुळे शॉन अॅबॉट या मालिकेत खेळू शकणार नाही. त्याला मायदेशी परतावे लागणार आहे. ऑस्ट्रेलियाचा दुसरा खेळाडू पीटर हँड्सकॉम्बची पत्नी गरोदर आल्याने त्यालाही पत्नीसह ऑस्ट्रेलियाला परत जावे लागणार आहे. अशाप्रकारे दोन कांगारू खेळाडू याआधीच मालिकेतून बाहेर पडले आहेत. सध्या सुरू असलेल्या आर्थिक आणि राजकीय संकटाच्या पार्श्वभूमीवर ऑस्ट्रेलियन संघाने श्रीलंका दौऱ्याचा निर्णय घेतला. यामुळे श्रीलंका क्रिकेटला आर्थिक फायदा होणार आहे. एका अंदाजानुसार या दौऱ्यातून श्रीलंका क्रिकेट बोर्डाला सुमारे २० कोटींचा नफा कमावता येणार आहे. क्रिकेट ऑस्ट्रेलियाने कठीण परिस्थितीत श्रीलंकेला जाण्याचा निर्णय घेतला.
Sean Abbott ruled out of the T20Is in Sri Lanka due to a broken finger, 'A' squad member Peter Handscomb will also fly back home to be with his pregnant wife #SLvAUS pic.twitter.com/7lgUCXeOoD
— ESPNcricinfo (@ESPNcricinfo) June 7, 2022
पुढील काही दिवसांत श्रीलंकेत आशिया कपही होणार आहे. हा दौरा कोणत्याही अडथळ्याविना पूर्ण करण्यात ऑस्ट्रेलियाचा संघ यशस्वी ठरला, तर आशिया चषक स्पर्धेच्या यजमानपदाचा मार्गही मोकळा होईल. सध्या आशिया चषकाबाबतची परिस्थिती स्पष्ट नाही. ती हलवण्याच्या बातम्याही सातत्याने येत होत्या. आता श्रीलंकेची ऑस्ट्रेलियाविरुद्धच्या मालिकेने परिस्थिती स्पष्ट होईल असे वाटत आहे.
श्रीलंका दौऱ्यावर ऑस्ट्रेलिया संघ तिन्ही फॉरमॅटमध्ये मालिका खेळणार आहे. आधी टी-२० मालिका खेळवली जाणार आहे. यानंतर एकदिवसीय सामने होणार आहेत. शेवटी दोन कसोटी सामन्यांची मालिकाही खेळवली जाईल. मर्यादित षटकांच्या क्रिकेटमध्ये संघाचा कर्णधार फिंच असेल. तर कसोटी क्रिकेटमध्ये पॅट कमिन्स संघाचे नेतृत्व करेल.
महत्वाच्या बातम्या:
बातम्यांसाठी YouTube चॅनेल Subscribe करा
Subscribe Now
