लॉकडाऊनच्या पार्श्वभूमीवर अवैध दारू विक्रेत्यांची चांदी!

🕒 1 min read

नांदेड : जिल्ह्यात वाढता कोरोनाचा कहर बघता प्रशासनाने खबरदारीचा उपाय म्हणून लॉकडाऊन लावले, या लॉकडाऊनमुळे सर्व सामान्य जनतेला समस्या उद्भवत आहेत. पण अवैध दारू विक्रेत्यांची चांदी होत असल्याचे चित्र आहे. दरम्यान मागील लॉकडाऊनचा अनुभव पाहता आता प्रत्येक ठिकाणी दारुची अवैध विक्री करण्याचे प्रकार वाढले आहेत. जिल्ह्यात ३० हजार रुपयांच्या दारुची अवैध विक्री करीत असताना पोलीसांनी दोन कार व एक दुचाकी जप्त केली आहे.

धर्माबाद येथील शिवाजी चौकात २१ हजारांची विदेशी दारु घेऊन जाणाऱ्या एका कारला पोलिसांनी ताब्यात घेतल्याची घटना २४ मार्च रोजी १२.३० वाजता घडली. धर्माबाद येथील शिवाजी चौकात पोलीस नायक पंडित कल्याणकर यांनी विनापरवाना २१ हजार ६०० रुपये किंमतीची विदेश दारु घेऊन जाणाऱ्या कारला ताब्यात घेतले. या प्रकरणी धर्माबाद पोलीस ठाण्यात ९६/२१प्रमाणे गुन्हा नोंदविण्यात आला आहे. अधिक तपास पंडित कल्याणकर करीत आहेत.

भोकर येथील बसस्थानक परिसरात डीएनपी लॉजजवळ २३ मार्च रोजी रात्री ९.५० वाजता यातील नमुद आरोपींनी ४ हजार९९२ रुपयांची देशी दारु एका इंडिका कारमध्ये नेत असताना जमादार ज्ञानेश्वर आनेर व सरोदे यांनी पकडून भोकर पोलीस ठाण्यात १२२/२१ प्रमाणे गुन्हा दाखल केला आहे. जमादार कारामुंगे अधिक तपास करीत आहेत. नायगाव तालुक्यातील रुई येथे किराणा दुकानासमोर यातील नमुद आरोपींनी विना परवाना ४ हजार ९९२ रुपयांची देशी दारु २४ मार्च रोजी दुचाकीवरुन तस्करी करीत असताना जमादार अशोक घुमे यांनी जप्त केली.

महत्त्वाच्या बातम्या 

• बाळासाहेबांचा शिवसैनिक उभा आहे, चौकशीची मागणी मीच करतोय- अरविंद सावंत
• सदाबहार, ज्येष्ठ गायिका आशा भोसलेंना ‘महाराष्ट्र भूषण’ पुरस्कार जाहीर !
• मराठा आरक्षण : अखेर मुख्यमंत्र्यांनी घेतली साष्टपिंपळगाव ग्रामस्थांची भेट
• बीड जिल्ह्यात लॉकडाऊनमध्येही होणार विद्यापीठाच्या परीक्षा
• शिमग्याला घरोघरी देवांची पालखी नेण्यास बंदी; होळीसाठी नियमावली जाहीर !