मुंबई : केंद्रीय गृहमंत्री अमित शहा आज मुंबई दौरावर आहेत. यावेळी त्यांनी मुंबई महापालिका निवडणुका जिंकण्यासाठी कार्यकर्त्यांची बैठक घेतली. या बैठकीमध्ये भाष्य करत असताना त्यांनी शिवसेना पक्षप्रमुख उद्धव ठाकरे यांच्यावर जोरदार टीका केली. तसेच दोन्ही पक्षांनी मिळून 150 जागा जिंकण्याचं टार्गेट देखील दिलं आहे. याच टीकेवर शिवसेनेने म्हणजेच शिवसेना खासदार अरविंद सावंत यांनी पलटवार केला आहे.
अरविंद सावंत यांचं प्रत्युत्तरः
भाजपकडे नेहमीच कुठली ना कुठले मिशन असतात. मात्र, जनतेच्या मूळ समस्यांपासून ते मिसिंग असतात, अशी टीका शिवसेनेचे खासदार अरविंद सावंत यांनी केली आहे. दसरा मेळावा शिवाजी पार्कातच होईल, असेही त्यांनी यावेळी ठासून म्हटलं आहे.
आज काय लोटस मिशन, उद्या काय दुसरे मिशन, पण जे खरे प्रश्न आहेत त्यापासून ते मिसिंग असतात, अशी टीका अरविंद सावंत यांनी केली आहे. अनेक प्रश्न त्यातही जनतेच्या प्रश्नांपासून भाजपा दूर आहे, मराठी माणसांच्या अस्मितेपासून भाजप दूर आहे, मुंबई महापालिकेवर असलेले शिवसेनेचा भगवा झेंडा कोणीही हलवू शकत नाही, मुंबईतील जाती-पाती सर्वधर्मीय माणसे यांना मुंबईमध्ये शांतता हवी, मुंबई शहरात शिवसेनेने निर्माण केलेली व्यवस्था, दिलेल्या सुविधा हे मतदार विसरणार नाही, असेही सावंतांनी स्पष्ट केलं आहे. मुंबईकरांना 24 तास पिण्याचे पाणी देण्याचं काम देखील शिवसेनेने केलं असल्याची आठवण सावंतांनी करून दिली.
अमित शहा यांनी उद्धव ठाकरे यांच्यावर साधला होता निशाणाः
दरम्यान, केवळ दोन जागांसाठी उद्धव ठाकरे यांनी आपल्याला धोका देऊन विश्वासघात केल्या असल्याचा आरोप शहा यांनी त्यांच्या भाषणामधून केला होता. मात्र, शिवसेनकडून या टीकेवर लगेचंच प्रतिक्रीया आली आहे.
महत्वाच्या बातम्याः
- Dhananjay Munde | “बाह्य संस्थेमार्फत नेमलेल्या बस चालकांना शासकीय सेवेत सामावून घ्यावं अन्यथा…”, धनंजय मुंडे
- Devendra Fadanvis | मुंबई महानगरपालिकेच्या निवडणुकांसंदर्भात देवेंद्र फडणवीसांचे मोठे वक्तव्य म्हणाले…
- Amit Shaha | “उद्धव ठाकरे यांनी आपल्याला धोका दिला, आता आपण…”, अमित शहांचं पदाधिकाऱ्यांना आवाहन
- Gulabrao Patil | संजय राऊत म्हणजे चहा पेक्षा किटली गरम – गुलाबराव पाटील
- Eknath Shinde | “मुख्यमंत्री होण्याचं अजित पवारांचं स्वप्न होतं पण…”; म्हणत शिंदे गटाचा अजित पवारांवर हल्ला
